Edhe kësaj rradhe janë publikuar tezat e provimit, këtë rradhë ato me zgjedhje në vetëm 15 minuta pas nisjes së provimit. Tezat e ekonomisë, biologjisë, qytetarisë, psikologjisë dhe fizikës kanë dalë në rrjetet sociale.
Rreth 28 mijë maturantë në të gjithë vendin po i nënshtrohen testit provimit me zgjedhje, ndërkohë që nxënësit janë paraqitur në 144 qendra të provimit të ngritura në gjithë vendin. Provimi nisi në orën 10 të mëngjesit dhe do të zgjasë për 2 orë e 30 minuta.
Masat e rrepta të premtuara nga Ministria e Arsimit duket që nuk kanë hyrë në punë as kësaj rradhe. Pretendimi i Ministrisë së Arsimit është se nxjerrja e tezave nuk cënon procesin dhe mbarëvajtjen e provimit.
Edhe këtë vit sistemi i propagandës dështoi dhe tashmë qeveria do përpiqet të fajësojë të tjerët kur qeveria duhet të shohë fajin tek vetja.
