Një javë më parë aktivistët Aurel Kujtimi dhe Andrea Bregu kallëzuan në SPAK Kryetarin e Bashkisë së Tiranës Erion Veliaj dhe ish-drejtoreshën e RSU nr.1 Anila Shehu për një nga aferat më korruptive të zhvilluara në Qytetin Studenti me fondet e rindërtimit të tërmetit të 26 Nëntorit të 2019.
KALLËZIMI I PLOTË – KLIKO KËTU PËR TË SHKARKUAR
Fillesat e kësaj çështje janë që në vitin 2019 pas tërmetit të 26 Nëntorit të 2019 ku Kryetari i Bashkisë së Tiranës Erion Veliaj i dërgon Këshillit Bashkiak të Tiranës kërkesën për miratim për shembjen e godinës 19, shembja e godinës 19 është kryer përmes proçedurës me tenderim gjithashtu nga Bashkia Tiranë dhe Kryetari i Bashkisë së Tiranës Erion Veliaj.
Në vitin 2021 sipas të dhënave nga platforma Open Data Albania, Bashkia Tiranë kryen një proçedurë me objekt “Rindertimi i 3 (tre) godinave të Rezindencave Studentore Universitare (RSU) në Bashkinë Tiranë, si më poshtë: “NDËRTIM I GODINËS TIP NË RSU NR.1 (Nr.19)” në vlerën e 3.04 milionë eurove ku kompania fituese është R&T sh.p.k me zotërues Renis Tërshana. Ky i fundt është edhe aksioner i Bankës Credins me rreth 13% të aksioneve në Credins Bank sh.a.
Sipas korrespondencave që kanë pasur aktivistët me Ministrinë e Financave dhe Degën e Përgjithshme të Thesarit të Shtetit në vitin 2023 Bashkia Tiranë i ka kaluar rreth 44 milionë lekë të vjetra për proçedurën e tenderuar kompanisë R&T sh.p.k. Sipas afateve të përcaktuara në tender godina 19 duhej të përfundonte ndërtimin në vitin 2023 me 13 muaj afat të përcaktuar.
Nga verifikimet e kryera në terren nga ana e aktivistëve gjatë këtyre muajve të fundit rezulton se ende janë gërmadhat e godinës së vjetër të shembur që në vitin 2019 dhe ende nuk ka nisur ndërtimi i kësaj godine. Po nga të dhënat e Open Data Albania rezulton se bashkimi i operatorëve GBK shpk & Domus Group shpk & HTM shpk & Glavenica shpk kanë ofruar 0 lekë duke ngritur dyshime të arsyeshme duke pasur parasysh që ende nuk ka nisur ndërtimi i godinës që kjo proçedurë të jetë fiktive dhe korruptive duke u investuar para publike për një investim që nuk ekziston me preçedentin e Inceneratorit të Tiranës, fantazëm që nuk ekziston.
Aktivistët i kanë bërë thirrje Prokurorisë së Posatçme Kundër Korrupsionit dhe Krimit të Organizuar SPAK të hetojë mbi këtë aferë korruptive ku është i përfshirë në mënyrë direkte Kryetari i Bashkisë së Tiranës Erion Veliaj që tashmëë është me masën arrest me burg prej gati një muaj.
