Është publikuar drafti i Kodit Penal që pritet të diskutohet në legjistlaturën e re të Kuvendit nga muaji Shtator me konstitutimin e ri që pritet të ndodhë pas zgjedhjeve të 11 Majit. Një nga risitë e reja të propozuara në draftin e Kodit Penal është edhe keqpërdorimi publik i imazhit nëpërmjet llogarive të rreme.
Qytetarët që hapin këto llogari duke keqpërdorur imazhin e një personi tjetër rrezikojnë deri në 3 vite burg. Kjo parashikohet nga Neni 842 në draftin e Kodit Penal.
Në këtë rast ndjekja penale fillon vetëm kur viktima bën denoncimin dhe pushohet vetëm në rastin kur viktima ose avokati heqin dorë.
“Neni 842
1. Përdorimi i imazhit të një personi për të bërë njoftime ose për të hapur profile të rreme në rrjetet sociale, faqet e kontaktit ose në çdo mjet tjetër komunikimi publik, pa pëlqimin e mbajtësit të imazhit, kur i shkakton këtij të fundit gjendje ngacmimi, përndjekjeje ose poshtërimi, dënohet me gjobe ose me burgim deri ne tre vjet.
2. Ndjekja penale për veprën penale fillon me ankim të viktimës ose përfaqësuesit ligjor të saj dhe pushon me heqjen dorë prej tij.”
