Kreu i grupit parlamentar të Partisë Demokratike dhe deputeti Gazment Bardhi ka reaguar pas publikimit të audiopërgjimeve të Yon Reffet në emisionin “Çim Peka LIVE” në SYRI TV. Në këtë reagim, ai ka publikuar edhe një video të Ron Yeffet duke dalë nga Kryeministria. Sipas tij, këto materiale tregojnë për interesa të mëdha të kryeministrit Edi Rama në industrinë e armëve. Bardhi thekson se këto interesa shtrihen deri në kontinentin afrikan dhe kërkon trajtim serioz nga institucionet.
Deputeti kritikon mungesën e transparencës dhe mbikëqyrjes në industrinë e mbrojtjes dhe tregtinë e armëve. Ai pretendon se qeveria e Edi Ramës ka ndërtuar një model ku interesi publik zëvendësohet nga interesa të ngushta biznesi. Për këtë arsye, ai kërkon transparencë të plotë dhe verifikim të rreptë të personave të përfshirë.
Bardhi ngre pikëpyetje se përse kryeministri shmangu përgjigjet ndaj akuzave të opozitës. Ai thekson se nëse Yon Reffet është person privat, aktiviteti i tij duhet hetuar për sigurinë kombëtare. Sipas tij, mbrojtja e mundshme e Reffet nga qeveria lidhet me interesat e industrisë së armëve. Kjo çështje, thekson ai, nuk mund të trajtohet thjesht si një çështje private.
Deputeti i drejtohet drejtpërdrejt Edi Ramës me pyetje konkrete mbi lidhjet e Yon Reffet me kompaninë e armëve KAYO. Ai pyet nëse ky aktivitet është deklaruar në buxhetin e shtetit dhe në faqet zyrtare. Bardhi kërkon të dijë nëse ka pasur rezultate konkrete nga hetimet e mëparshme. Ai përfundon duke theksuar se përgjegjësia politike nuk mund të zëvendësohet me justifikimin e “përgjegjësisë individuale“.
