Në pranverën e këtij viti është miratuar një ligj që ndalon propagandën, grupimet dhe lëvizjet politike nacionalsocialiste dhe komuniste në Çeki. Ligji është miratuar në Dhomën e Deputetëve dhe në Senat nga një grup deputetësh të koalicionit qeveritar pro-europian të Kryeministrit Çek Petr Fiala.
Pas miratimit në dhomën e deputetëve dhe në senat, në gjysmën e dytë të muajit Korrik Kryeministri Çek Petr Fiala nënshkroi një ndryshim në Kodin Penal që barazon qartë nacionalsocializmin dhe komunizmin me nazizmin në Republikën Çeke.
“Kushdo që themelon, mbështet ose përhap një lëvizje nacionalsocialiste, komuniste ose lëvizje tjetër që ka si objektiv të provuar shtypjen e të drejtave dhe lirive të njeriut ose që përhap armiqësi racore, etnike, kombëtare, fetare ose klasore ose armiqësi ndaj një grupi tjetër njerëzish, do të dënohet me burgim nga një deri në pesë vjet.” – shkruhet në tekstin e ri të Nenit 403 të Kodit Penal Çek.
Në vitin 1989 gjatë ‘Revolucionit të Kadifenjtë’ u kërkua që nacionalsocializmi dhe komunizmi të barazoheshin me nazizmin.
Ndryshimi në ligj u iniciua nga lëvizja qytetare ‘Nëntori nuk ka mbaruar ende’, udhëheqësi i saj është Martin Mejstrik, një drejtues studentësh nga epoka e ‘Revolucionit të Kadifenjtë’ dhe më vonë u bë senator.
“Qëllimi i projektligjit ishte të eliminonte dallimin dukshëm të padrejtë midis dy ideologjive totalitare kriminale të shekullit të 20-të. Të dyja, nacionalsocializmi dhe komunizmi, kanë një qëllim të provuar për të shtypur të drejtat dhe liritë themelore, dhe është logjike dhe e drejtë që ligji penal çek ta pasqyrojë qartë këtë. Kjo nuk ka të bëjë me ideologjinë, por me mbrojtjen e sundimit demokratik të ligjit.” – deklaroi Kamil Nedvedicky, Zëvendësdrejtor i parë i Institutit Çek për Studimin e Regjimeve Totalitare.
