Studentët që banojnë në godinat 11–12 të Qytetit Studenti ngrenë shqetësimin për mosfunksionimin normal të lavanderisë së vënë në dispozicion të tyre. Sipas denoncimit, ata nuk kanë mundësi të lajnë rrobat në kushte normale, pavarësisht se ky shërbim duhet të jetë një nga shërbimet bazë për rezidentët. Studentët theksojnë se, duke jetuar larg familjeve të tyre, lavanderia përbën një nevojë të përditshme dhe jo një shërbim luksi. Ata kërkojnë të dinë se përse ky problem vijon të mbetet i pazgjidhur nga administrata.
Përmes këtij denoncimi, studentët u bëjnë thirrje drejtuesve të Qytetit Studenti dhe personave përgjegjës që të marrin masa sa më parë për rikthimin në funksion të lavanderisë. Sipas tyre, është e papranueshme që studentët të përballen me vështirësi edhe për shërbime kaq elementare. Ata kërkojnë që të garantohen kushte normale dhe shërbime funksionale në ambientet ku jetojnë. Studentët meritojnë kushte dinjitoze, jo sorollatje për shërbime bazë!
Denoncimi:
Dëshiroj të ngre një shqetësim në lidhje me lavanderinë që u është vënë në dispozicion studentëve në godinat 11–12 të Qytetit Studenti.
Është e papranueshme që studentët të mos kenë mundësi të lajnë rrobat e tyre në kushte normale, pavarësisht se lavanderia duhet të jetë një shërbim bazë për ta.
Ne jemi studentë që jetojmë larg familjeve tona dhe lavanderia është një nevojë e përditshme, jo një luks. Përse duhet të përballemi me këtë problem dhe të mos kemi një zgjidhje nga ana e administratës?
Kërkojmë nga drejtuesit dhe personat përgjegjës të marrin masa sa më parë për të vënë në funksion lavanderinë dhe për të garantuar kushte normale për studentët.
Studentët meritojnë kushte dinjitoze, jo të sorollaten për shërbime bazë!





