Katër nënkryetarë në Bashkinë e Tiranës ditën e sotme kanë dhënë dorëheqjen nga postet e tyre pas direktivave të Kryeministrit Edi Rama. Bëhet fjalë për Frida Pashakon, Keti Luarasin, Andi Seferin dhe Jonida Halilin.
Ditën e sotme u emëruan katër emrat e rinj që do të marrin këto poste.
Ilir Mengra do të jetë Drejtor për punët publike, Blendi Sula do të jetë Drejtor për territorin dhe menaxhimin e zhvillimit rural, Gentian Keri do të jetë Drejtor në administratën e Bashkisë së Tiranës dhe Vasilika Vjero Drejtore për financat dhe zhvillimin ekonomik.
Ilir Mengra ka qenë më parë Drejtor i Përgjithshëm tek Drejtoria e Përgjithshme e Shërbimeve të Transportit Rrugor që varet nga Belinda Balluku, Gentian Keri ka qenë më parë Specialist në Tirana DC, Vasilika Vjero ka qenë më parë Zëvendësministre e Ministrisë së Financave, Blendi Sulaj është blerja më e re si një nga personat më të afërm të Lulzim Bashës.
