Shqyrtimi i i kërkesës për arrestimin e Belinda Ballukut, u mbajt ditën e sotme në mbledhjen e Komisionit të Këshillit të Mandateve në Kuvend. Prokurorët e SPAK mësohet të kenë deklaruar se janë konstatuar fakte të tjera penale për Belinda Ballukun ku sipas tyre gjendja proçeduriale është rënduar dhe ka rrezik për prishjen e provave por edhe për kryerjen e krimev të rënda.
“Gjendja e saj procedurale është rënduar, ka rrezik të prish prova dhe të kryejë krime të tjera” – ka deklaruar SPAK në mbledhje.
SPAK ka konfirmuar se në datën 20 Nëntor 2025, Balluku ka intimiduar dy dëshmitarë. Sipas tyre Balluku i ka kërkuar të ndryshojnë dëshminë e dhënë. Burime për mediat bëjnë me dije se SPAK ka deklaruar në mbledhje se ‘disa të fortë’, kanë kërcënuar dëshmitarët në emër të Ballukut.
Pretendimet e SPAK mbështeten në transkripte bisedash që ndodhen në 16 mijë faqet e dorëzuara në Kuvend. Prokuroria shton se Balluku apo avokatët e saj nuk kanë ngritur pretendime për ndikim apo përndjekje politike nga ana e saj.
