Byroja Kombëtare e Hetimit është duke zgjeruar kapacitetet e saj ku do të ketë një strukturë të ngjashme me atë të Policisë së Shtetit, me oficerë të policisë gjyqësore dhe me një staf më të zgjeruar ku brenda vitit 2026 pritet që strukturat e reja brenda BKH-së të jenë gati.
Byroja Kombëtare e Hetimit ka godinën përballë asaj të Prokurorisë së Posaçme në zonën që njihet si ‘rruga e burgut’ dhe me qëllim komunikimin dhe koordinimin institucional mes dy strukturave kyçe të drejtësisë në vend, mbi rrugën e automjeteve ka nisur ndërtimi i një ure lidhëse që do të mundësojë lidhjen e dy godinave me njëra-tjetrën.
