Mbrëmjen e së enjtes një ngjarje e rëndë ka ndodhur në kryeqytet ku avokati Altin Goxhaj dhe aktivisti Andrea Bregu janë marrë me forcë nga efektivë policie, në rrethana që kanë shkaktuar indinjatë dhe reagime të shumta. Goxhaj po lëvizte me taksi teksa makina e patrullës së policisë ka bllokuar korsinë e emergjencës së automjeteve dhe punonjësit e policisë në detyrë ishin pa numra identifikimi, ndryshe nga çfarë e parashikon ligji.
Në momentin që situata është filmuar nga aktivisti Andrea Bregu, ndërhyrja është bërë e menjëhershme dhe e dhunshme nga ana e punonjësve të policisë ku edhe është ushtruar dhunë në makinën e patrullës së policisë ku punonjësit e policisë kanë marrë me dhunë telefonin e avokatit Goxhaj i cili është mjet pune për shkak të profesionit që ushtron avokati.
Ngjarja solli reagime të forta pasi shumë qytetarë e shohin këtë si një akt presioni ndaj një avokati dhe zëri kritik në jetën publike. Mënyra e ndërhyrjes, përdorimi i forcës dhe mungesa e identifikimit të efektivëve sjell shqetësimin serioz për mënyrën e funksionimit të policisë dhe sjelljes së saj përballë qytetarëve dhe aktivistëve.
