Aulon Kalaja, kreu i Partisë Demokratike të Krujës, ka paraqitur një kallëzim penal në Drejtorinë e Policisë së Tiranës lidhur me dhunën që ka pësuar gjatë protestës së 17 prillit. Ai është pajisur me ekspertizë mjeko-ligjore në Institutin e Mjekësisë Ligjore, e cila dëshmon lëndimet e marra. Kalaja tregon se është spërkatur me spraj nga tre drejtime dhe është goditur me shkelma nga dy policë të ndryshëm. Po ashtu, ai ka thënë se është goditur në fytyrë dhe pas qafe me skafandër. Për shkak të këtyre lëndimeve, Kalaja ka qëndruar i shtruar në Spitalin e Traumës dhe ka marrë epikrizën përkatëse.
Pas ngjarjes, vetë Kalaja është bërë objekt i një proçedimi penal nga ana e policisë me akuzën “Goditje për shkak të detyrës”. Ai e konsideron këtë akuzë si të pabazuar dhe një tentativë për të devijuar vëmendjen nga përgjegjësia e policisë. Kalaja ka deklaruar se do t’i shkojë deri në fund të vërtetave dhe se dhuna e pësuar ishte e pajustifikueshme. Ai ka humbur ndjenjat gjatë protestës dhe është transportuar me urgjencë në spital. Për shkak të lëndimeve në kokë dhe qafë.
Kalaja ka marrë dëmtime edhe nga spraj-i kimik, për të cilin ai ka kërkuar analiza toksikologjike. Ai e përshkruan dhunën e pësuar si barbare dhe të paprecedentë për të, duke qenë se vjen nga aktivizmi dhe është hera e parë që dhunohet në protesta.
Partia Demokratike ka mbështetur publikisht Kalaja-n, duke e quajtur atë një shembull të dhunës shtetërore gjatë protestave. Kalaja ka shprehur shpresën se historia e tij do të shërbejë si kambanë alarmi për të parandaluar ngjarje të ngjashme në të ardhmen. Ai ka theksuar se do ta ndjekë deri në fund çdo rrugë ligjore për të vendosur drejtësi.
“Ju përshëndes të gjithëve. Sapo dola nga Instituti i Mjekësisë Ligjore. Dua t’ju vë në dijeni që para dy ditësh kam bërë kallëzim në Drejtorinë e Policisë Tiranës për dhunën që më është shkaktuar në protestën që ndodhi para pak ditësh në bulevardin Dëshmorët e Kombit. Një dhunë e pajustifikueshme nga policia, ku përveçse kam marrë spray në tre drejtime, spray shumë të fortë, jam goditur dy herë me shkelma nga dy policë të ndryshëm dhe një herë në fytyrë me skafandër dhe dy herë pas qafe me skafandër.
Për këtë arsye kam qenë i shtruar në Spitalin Ushtarak, ose siç njihet ndryshe Spitali i Traumës, ku pas ekzaminimeve kam marrë dhe epikrizën. Për të gjitha këto arsye, unë kam bërë këtë kallëzim për të dalë e vërteta në shesh për dhunën policore që kam pësuar dhe sigurisht do të doja t’i bëja thirrje institucioneve që të marrin masa, të nxjerrin para përgjegjësisë policët që më kanë dhunuar barbarisht. Flas për rastin tim, por kjo do të shërbejë si këmbanë alarmi për dhunën policore që është ushtruar në atë protestë apo nëse kanë ndërmend për t’u ushtruar në protestat e tjera.
Nga ana tjetër, ju duhet ta dini besoj që unë akuzohem tani nga policia. Kam një procedim penal për dhunim të forcave të policisë për shkak të detyrës. Ju i keni parë videot shumë mirë dhe e dini se çfarë ka ndodhur me mua dhe tani policia, ngaqë nuk ka fjalë dhe është në faj në raport me mua, më ka bërë një akuzë aq të pabesueshme saqë të hidhet baltë pikërisht mbi këtë ngjarje. Por, ju e dini që unë të vërtetave do t’i shkoj deri në fund. Kjo është kauza ime. Unë vij nga aktivizmi, kurrë nuk kam pasur probleme nëpër protesta. Është hera e parë, por të jeni të bindur që unë do t’i shkoj deri në fund.
Pres me shumë vëmendje zhvillimet që do të vijnë nga ky institucion apo nga policia në përgjithësi.” – ka deklaruar Aulon Kalaja përpara Institutit të Mjekësisë Ligjore.
