SPAK ka nisur një operacion të gjerë sekuestrimesh pasurish në kuadër të hetimeve për dosjen e AKSHI-t, duke bllokuar asete me vlerë mbi 40 milionë euro që i përkasin ish-drejtoreshës, Mirlinda Karçanaj, dhe biznesmenëve Ergys Agasi e Ermal Beqiri. Ky veprim është bazuar në një vendim të Gjykatës së Posaçme të Shkallës së Parë Kundër Korrupsionit dhe Krimit të Organizuar, e cila ka autorizuar sekuestrimin e një liste të gjatë pronash, llogarish bankare dhe mjetesh luksi. Hetimet paraprake të Prokurorisë së Posaçme Kundër Korrupsionit dhe Krimit të Organizuar (SPAK) në kuadër të proçedimit penal nr. 20/1 të vitit 2025 kanë zbuluar një skemë komplekse korruptive dhe pastrimi parash, e cila dyshohet se ka vepruar në formën e një grupi të strukturuar kriminal.
Pasuritë e sekuestruara përfshijnë një gamë të gjerë asetesh të paluajtshme dhe të luajtshme në disa qytete të vendit. Ish-drejtoreshës Mirlinda Karçanaj i janë bllokuar dy apartamente në Tiranë, një pasuri në Qerret të Kavajës, një ullishte në Sauk, një automjet tip Volkswagen Tiguan dhe llogari bankare në BKT dhe OTP Bank. Në emër të Ergys Agasit janë sekuestruar pyje të shumta me sipërfaqe të konsiderueshme në zonën e Qehës, Petrelë, së bashku me ndërtesa të ndryshme, truall në Lundër dhe Durrës, si dhe disa apartamente e garazhe në Tiranë. Ndërsa lista e pasurive të Ermal Beqirit përfshin disa apartamente dhe vila në kryeqytet dhe në bregdet, duke përfshirë edhe disa prona në Vlorë. Gjithashtu, janë bllokuar llogari bankare në disa banka të nivelit të dytë, aksione në kompani dhe automjete luksoze, përfshirë edhe një jaht.
Prokuroria e Posaçme ka zbuluar gjithashtu detaje lidhur me mënyrën se si dyshohet se Mirlinda Karçanaj ka përfituar para të paligjshme. Sipas njoftimit zyrtar të SPAK, ekzistojnë dyshime të arsyeshme se ajo ka marrë në disa raste kuti vere të mbushura me kartmonedha euro me prerje 100, 200 dhe 500 euro. Përveç kësaj, ajo dyshohet se ka përfituar 200 mijë euro në mënyrë indirekte nga Arjola Koromani, nëpërmjet ish-nëndrejtorit të AKSHI-t, Daniel Shima. Nëpërmjet këtyre pagesave dhe favoreve, besohet se ajo ka ndikuar që kompania “Soft Solution” dhe subjekte të tjera të favorizoheshin në procedurat e prokurimit të zhvilluara nga AKSHI. Ky operacion sekuestrimesh vjen pas muajsh hetimesh dhe përgjimesh, ku janë zbardhur lidhjet e ngushta mes Karçanajt dhe Ermal Beqirit, i cili është ortak në shoqëri tregtare që konkurronin në tenderat e AKSHI-t.
Akuzat kundër të tre personave janë të rënda dhe përfshijnë një sërë veprash penale sipas Kodit Penal. Ata dyshohen për “Konkurrencë të paligjshme nëpërmjet dhunës“, “Heqje të paligjshme të lirisë“, “Shkelje të barazisë së pjesëmarrësve në tendera apo ankande publike“, “Korrupsion pasiv të funksionarëve publikë“, pjesëmarrje në “Grupi i Strukturuar Kriminal” dhe “Pastrim i produkteve të veprës penale“. Ky operacion i madh është realizuar me bashkëpunimin e Byrosë Kombëtare të Hetimit, Policisë së Shtetit dhe Agjencisë për Administrimin e Pasurive të Sekuestruara dhe Konfiskuara. Vlera e përgjithshme e pasurive të sekuestruara tejkalon ndjeshëm shifrën prej 40 milionë eurosh, duke e cilësuar këtë si një nga operacionet më të mëdha të fundit kundër korrupsionit dhe krimit të organizuar në Shqipëri.
Reagimet nga skena politike kanë nisur të jenë të shumta, me partitë kryesore opozitare që kërkojnë përgjegjësi të plotë për abuzimet e dyshuara. Kjo ngjarje ka rëndësi të madhe pasi AKSHI është një institucion kyç për dixhitalizimin dhe sigurinë kibernetike të vendit, dhe korrupsioni në nivele të larta të tij mund të ketë rrezikuar projekte të rëndësishme kombëtare.
Njoftimi zyrtar i SPAK:
Prokuroria e Posaçme Kundër Korrupsionit dhe Krimit të Organizuar (SPAK), Tiranë, në kuadër të procedimit penal nr. 20/1 të vitit 2025, po kryen hetime paraprake për veprat penale:
“Konkurrenca e paligjshme nëpërmjet dhunës”, “Heqja e paligjshme e lirisë”, “Shkelja e barazisë së pjesëmarrësve në tendera apo ankande publike” e kryer në formën e grupit të strukturuar kriminal, “Korrupsioni pasiv I funksionarëve publikë” I kryer në bashkëpunim më shumë se një here, “Korrupsioni pasiv I funksionarëve publikë” I kryer në bashkëpunim më shumë se një here, “Grupi i strukturuar kriminal”, “Kryerja e veprave penale nga organizata kriminale dhe grupi i strukturuar kriminal”, si dhe “Pastrimi i produkteve të veprës penale”, të parashikuaranga nenet 110, 170/b, 244, 259, 258, 287, 28/4, 333/a dhe 334 të Kodit Penal.
Në vijim të hetimeve, Gjykata e Posaçme e Shkallës së Parë Kundër Korrupsionit dhe Krimit të Organizuar, me vendimin nr. 289, datë 20.04.2026 bazuar në kërkesën e Prokurorisë së Posaçme, ka vendosur sekuestrimin e pasurive si më poshtë:
Në ngarkim të personit nën hetim M. K:
– Pasuria e llojit apartament, me vendndodhje në rruga“Dervish Hima”, Kati 8, Ap. 32, Tiranë;
– Pasuria me vendndodhje në rrugën e “Kavajës”, me sip. 73.5 m2, Tiranë;
– Pasuria me vendndodhje në Qerret Kavajë;
– Pasuria me nr. 125/211 e llojit ullishte me sip. 1500 m2, Sauk, Tiranë;
– Autoveturë Volkswagen, modeli Tiguan;
– Llogari bankare në BKT
– Disa Llogari bankare në OTP Bank
Në ngarkim të personit nën hetim E.A:
– Pasuria e llojit pyll me sipërfaqe 26690.9m², nga kjo ndërtesë me sipërfaqe 346.2 m², me vendndodhje në Qeha Shytaj, Petrelë, Tiranë;
– Pasuria e llojit pyll me sipërfaqe 5288.1m², nga kjo ndërtesë 1 kat me sipërfaqe 182.2 m², me vendndodhje në Qeha, Petrelë, Tiranë;
– Pasuria e llojit pyll me sipërfaqe 5288.1m², nga kjo ndërtesë 1 kat me sipërfaqe 182.2 m², me vendndodhje në Qeha, Petrelë, Tiranë;
– Pasuria e llojit pyll me sipërfaqe 8956m², nga kjo ndërtesë 1 kat me sipërfaqe 568 m², me vendndodhje në Qeha, Petrelë, Tiranë;
– Pasuria e llojit pyll, me sipërfaqe 8260.2 m2 dhe ndërtim 2 kat me sipërfaqe 490.2 m2;
– Pasuria e llojit pyll me sipërfaqe 911.3 m², nga kjo ndërtesë sipërfaqe 350.8 m²;
– Pasuria e llojit pyll me sipërfaqe 9316.1m², nga kjo ndërtesë 2 kat me sipërfaqe 192.8 m²;
– Pasuria e llojit truall me sipërfaqe 406.34 m² me ndërtesë, Lundër, Tiranë;
– Pasuria e llojit arë me sipërfaqe 10300 m²;
– Pasuria me nr.47/215, e llojit truall, me vendndodhje në zonën kadastrale 8518, me sipërfaqe 400m², Durrës;
– Pasuria e llojit ndërtesë, me vendndodhje në ZK 8518 me sip. totale 165 m2;
– Pasuria e llojit apartament, Durrës;
– Pasuria e llojit garazh, Tiranë;
– Pasuria e llojit apartament, Tiranë;
– Pasuria e llojit apartament, Tiranë;
– Pasuria e llojit apartament, Tiranë;
– Pasuria e llojit garazh;
– Pasuria e llojit garazh;
– Pasuria e llojit truall;
– Pasuria me nr.6/756, truall;
– Pasuria e llojit, apartament;
– Pasuria e llojit garazh;
– Pasuria e llojit garazh;
– Pasuria e llojit garazh;
– Pasuria e llojit apartament;
– Pasuria e llojit garazh;
– Pasuria e llojit truall dhe ndërtesë, Gjilek, Vlorë;
– Automjet Land Rover Defender 2023;
– Subjekti “E.A.S;
– Llogari bankare në OTP, Credins dhe BKT;
Në ngarkim të personit nën hetim E.B:
– Truall me vendndodhje në Green Coast, Vlorë;
– Truall me vendndodhje “Hoxha Tasim”, Tiranë;
– Ndërtesa dhe truall nr. 5/3;
– Truall dhe ndërtesë nr. 38/36, Rolling Hills Tiranë
– Apartament në Golem, Kavajë;
– Mjet lundrues Yacht “Skyfall”;
– Subjekti “S.S” sh.p.k.;
– Subjekti “H” sh.p.k.;
– Njësi shërbimi në rrugën “Çerçiz Topulli”;
– Automjete dhe motomjete sipas regjistrave;
– Të gjitha llogaritë bankare në emër të tij dhe subjekteve;
Në ngarkim të personit nën hetim G.H:
– Sekuestrim i shumës 123,629,664 ALL në subjektin “F” sh.p.k.;
Në ngarkim të personit nën hetim A.P:
– Sekuestrim i shumës 410,595,663 ALL në subjektin “F” sh.p.k.;
– Sekuestrim i shumës 94,423,883 ALL në subjektin “F.F”;
Në ngarkim të personit nën hetim E.J:
– Sekuestrim i shumës 100,840,264 ALL në subjektin “A”;
Në përfundim të operacionit për sekuestrimin e pasurive tëmësipërme është konkluduar se vlera e përfafërt e tyre është mbi 40 (dyzet) milion euro.
Prokuroria e Posaçme falenderon Byronë Kombëtare të Hetimit, Policinë e Shtetit dhe Agjencinë e Administrimit të Pasurive të Sekuestruara dhe Konfiskuara për bashkëpunimin në sekuestrimet e kryera.
Prokuroria e Posaçme vijon hetimet për dokumentimin e plotë të veprimtarisë kriminale dhe konfiskimin përfundimtar të pasurive.
