Ditën e sotme ka ndodhur një skandal në Qytetin Studenti ku në godinën 11-12 instalimet elektrike kanë shkaktuar dëme të mëdha tek pajisjet në godinë dhe tek pajisjet personale të studentëve. Kjo gjë ka sjellë edhe vënien në rrezik të jetës së studentëve pasi në çdo dhomë ku akomodohen studentët ka pajisje që për pasojë mund të vënë jetën e studentëve në rrezik për shkak të ndonjë shkëndije të mundshme.
Sipas gjetjeve të Kontrollit të Lartë të Shtetit në Raportin e vitit 2019 citohet se punimet në këtë godinë janë kryer pa mbikëqyrjen e ekspertëve të fushës dhe sipas informacioneve të marra në rrugë jo zyrtare rezulton se godina nuk ka një dokument koalidimi për përfundimin e punimeve.
Aktivistët e kauzave studentore Aurel Kujtimi dhe Andrea Bregu kanë denoncuar në bazë të Raportit të Kontrollit të Lartë të Shtetit të vitit 2019 shpërdorimin e detyrës dhe abuzimin me fondet edhe për godinën 11-12 ku punimet edhe siç citohet në dokument janë kryer pa mbikëqyrës punimesh për të përcaktuar cilësinë e punimeve në këtë godinë.
Në platformën Studentët Denoncojnë ka mbërritur edhe shqetësimi i parë nga studentë të akomoduar në godinën 11-12 pas raportimit të parë publik.
“Përshëndetje, jam një studente e godinës 12. Është e vërtetë që ka pasur mungesë energjie dje në darkë edhe si pasojë mua personalisht më është djegur plafonieri në dhomë edhe karikuesi i telefonit. Sot kanë ardhur punonjësit e OSHE edhe kanë punuar për rregullimin e difektit të tyre te kabina elektrike. Stafi i godinës ka ardhur në çdo dhomë edhe ka dorëzuar pranë OSHE-s difektet e ndodhura. Shpresoj që OSHE-ja të na dëmshpërblejë sa më shpejt.”
