Ditën e sotme qytetarë dhe Koalicioni Shqiptar Pro Familjes dhe Jetës janë mbledhur në Sheshin Skëndërbej duke marshuar përgjatë Bulevardit Dëshmorët e Kombit deri tek Sheshi Nënë Tereza. Thirrja e tyre kryesore gjatë këtij marshimi ishte “Mbro Fëmijën” dhe “Pro Familjes”.
“Njerëzit e mirë janë bërë bashkë. Ne mund t’ia dalim dhe do t’ia dalim. Zoti bekoftë familjen shqiptare, le të nisim marshimin për familjen.” – është shprehur Pastori Akil Pano.
Ky marshim ditën e sotme ishte si reagim ndaj “Ligjit për Shëndetin seksual dhe riprodhues” që cënon vlerat themelore të familjes duke bërë të ligjshme surrogacinë , sterilizimin dhe gjithashtu ndaj termave diskriminues për familjen “Prindi 1” dhe “Prindi 2”.
