Gjykata Europiane e Drejtësisë ditën e sotme ka dënuar Hungarinë me gjobë për mos-lejimin e emigrantëve në vend. Hungaria duhet të paguajë 1 milionë euro në ditë deri sa të implementojë politikat për akomodimin e emigrantëve që shkelin në kufirin Hungarez. Përveç kësaj Hungaria duhet të paguajë 200 milionë euro gjobë shtesë për shkak të refuzimit të bërë në vitin 2020.
Kryeministri i Hungarisë Viktor Orban ka reaguar përmes një postimi në rrjetin social ‘X’ duke shprehur papranueshmërinë ndaj vendimit të gjykatës.
“Vendimi është skandaloz dhe i papranueshëm.” – është shprehur Viktor Orban në postimin e tij.
Kryeministri Viktor Orban është përplasur shpesh kohët e fundit me Bashkimin Europian për çështjet e emigracionit të paligjshëm dhe për refuzimin për të dërguar mbështetje ushtarake dhe monetare për Ukrainën e cila prej tre vitesh gjendet në luftë me Rusinë.
