Qendra Spitalore Universitare e Tiranës është kthyer si kampi i përqendrimit në Aushtvitz ku pacientët torturohen dhe vetëm shërbim nuk marrin. Mjekët shfrytëzojnë pozicionin e tyre për të pasur përfitime monetare me klinikat private dhe betimi i hipokratit është hedhur në koshin e plehrave. Teksa ‘drejtësia e re’ bën gjoja sikur funksionon duke mos vënë realisht përpara përgjegjësisë ligjore personat e përfshirë direkt në këto vepra kriminale.
Janë 7 masa sigurie ‘arrest shtëpie’ dhe ‘detyrim paraqitje’ që gjykata ka caktuar për disa nga mjekët e spitalit shtetëror ‘Nënë Tereza’, të cilët shfrytëzonin pacientët e sëmurë për arsye përfitimi monetar.
Mes mjekëve janë ‘Zëvendës drejtoresha e QSUT-së Brikena Qirjazi e ngarkuar me detyrë te shërbimi onkologjik’, e akuzuar për ‘shpërdorim detyre’. Edmond Gashi mjek i onkologjikut, i akuzuar për ‘shpërdorim detyre’. Emiljano Lala koordinator te ky spital, i akuzuar për ‘shpërdorim detyre’. Alketa Ymeri Pere mjeke e onkologjikut e akuzuar për shpërdorim detyre. Halil Gashi i akuzuar për ‘fshehje e të ardhurave’. Florian Marku administrator i ‘Flori Farma i akuzuar për ‘tregtimi dhe transportimi i mallrave që janë kontrabandë’ dhe ‘ruajtja ose depozitimi i mallrave që janë kontrabandë’. Doriola Kishta e akuzuar për ‘shpërdorim detyre’, por vendim i paekzekutuar pasi kjo shtetase nuk është në Shqipëri.
Të gjithë këta mjekë të punësuar në spitalin shtetëror, në bashkëpunim me njëri-tjetrin nuk u jepnin pacientëve shërbimin e duhur shëndetësor në spitalin Onkologjik, por i dërgonin ata në spitale private për të marrë shërbimin e kërkuar kundrejt pagesës.
Gjatë hetimeve të prokurorisë të bëra nëpërmjet përgjimeve telefonike, vëzhgimeve në terren apo edhe nëpërmjet blerjeve të stimuluara ka rezultuar se ilaçet e kimioterapisë që janë eksluzivitet i shtetit për t’u shitur, tregtoheshin në farmaci private pa pullë fiskale dhe me kod të prishur.
Aparatura e ‘Kobalto-Terapisë’ që përdoret për kurimin e sëmundjeve që lidhen me kancerin e lëkurës ishte instaluar në QSUT në kushte të papërshtatshme teknike, pasi mungonte bunkeri antiradioaktiv që përbënte një rrezik serioz për jetën e pacientëve ose mjekëve për shkak të rrezatimit të fortë të pajisjes.
Që prej vitit 2021 që kjo pajisje ndodhet në Shqipëri, jo vetëm që nuk është përdorur, por është instaluar në kushte kërcënues dhe të rrezikshme për jetën.
