Presidenti Joe Biden është tërhequr përballë Donald Trump në garën presidenciale të 5 Nëntorit ditën e sotme. Joe Biden në një njoftim për mbështetësit e tij në rrjetin social X pak minuta më parë ka njoftuar se nuk do ta pranojë nominimin për të qenë kandidati i Partisë Demokrate përballë Donald Trump dhe do të mbështesë zëvendësen e tij Kamala Harris.
Gjendja shëndetësore e Biden është vënë në pikëpyetje nga ekspertë të shëndetit gjatë muajve të fundit për shkak të problemeve me kujtesën në daljet e tij publike. Thirrjet nga ana e republikanëve për t’u dorëhequr nga posti i presidentit kohët e fundit ishin një nga temat kryesore të debateve politike në Amerikë.
Sondazhet muajt e fundit treguan një epërsi të madhe të Donald Trump ndaj presidentit në detyrë Biden dhe kjo është reflektuar edhe në mbështetjen që Joe Biden ka pasur në tubimet elektorale që ka zhvilluar kohët e fundit.
