Pikës së grumbullimit të mbetjeve në Vlorë u është vënë zjarri pasditen e sotme, duke krijuar një situatë katastrofike.
Siç mund të shikohet edhe nga këto pamje, tymi i çliruar nga djegia e mbeturinave ka mbuluar të gjithë zonën përreth përgjatë qytetit. Kjo ngjarje ndodh në një kohë kur temperaturat e ajrit janë shumë të larta. Ndikuar nga kushtet atmosferike flakët po përhapen me shpejtësi dhe situata sa vjen e përkeqësohet.
Një javë më parë një tjetër zjarr u regjistruar në afërsi të vendgrumbullimit të mbetjeve në inceneratorin e Elbasanit. Këto ngjaje dyshohet të jenë të qëllimta për të reduktuar grumbujt e mbetjeve të depozituara gjatë gjithë vitit. Përgjithësisht këto ngjarje mbeten pa autorë.
