Një plagosje me armë zjarri ka ndodhur këtë të hënë në kompleksin Kika 2, në zonën e Komunës së Parisit në Tiranë. I plagosur nga të shtënat ka mbetur shtetasi Loren Kosta, i cili është dërguar me urgjencë në Spitalin e Traumës. Sipas burimeve, gjendja e Kostës paraqitet stabël pas ndërhyrjes mjekësore.
Autori i dyshuar është identifikuar si Erion Goxhara, një efektiv policie. Disa të rinj, turistë, që ndodheshin në zonë i kanë dhënë ndihmën e parë të plagosurit, para se të mbërrinte ndihma mjekësore.
Arma me të cilën Erion Goxhara ka qëlluar Loren Kostën është e shërbimit sipas raportimeve të fundit.
