Prej vitesh në qytetin studenti janë hedhur miliarda lekë nga institucioni i Rezidencës Studentore Universitare nr.1 që varet drejtëpërdrejtë nga Bashkia e Tiranës ku drejtoreshë është Anila Shehu. Fondet e hedhura prej vitesh në mbi 70% të rasteve janë hedhur për rikonstruksionin e godinave por vlera e hedhur për rikonstruksionin e godinave nuk e justifikon cilësinë tepër të dobët të punimeve në godina.
Aktivisti i kauzave studentore prej vitesh ka denoncuar vjedhjen e fondeve dhe shpërdorimin e detyrës nga titullarja e RSU nr.1 Anila Shehu ku sipas shkresave janë hedhur mbi 2.3 miliardë lekë për rikonstruksionin e plotë të godinave 11-12. Sipas gjetjes së fundit konkretisht sistemi i izolimit të godinave 11-12 është bërë me polisterol dhe kohët e fundit vërehet se se është duke rënë në pjesë të ndryshme të godinave sistemi i izolimit me polisterol. Gjithashtu vërehet re se në godinave 9-10 suvaja nga jashtë godinës është duke rënë në pjesë të ndryshme duke provuar se cilësia e punimeve nuk justifikon shumën e investuar në godinave 9-10.
Nga gjetjet e raportit të Kontrollit të Lartë të Shtetit në Dhjetor të 2019 “Raporti i përputhshmërisë ekonomiko-financiare në Rezidencën Studentore Universitare nr.1” rezulton se punimet janë kryer pa mbikëqyrës të punimeve, bashkimi i operatorëve nuk ka pasur punëtorë të kualifikuar dhe janë paraqitur të dhëna të rreme me qëllim kualifikimi.
“Aktivisti Aurel Kujtimi demonton propagandën
Bie propaganda e Bashkisë Tiranë dhe Rezidencës Studentore me pseudo-rikonstruksionin e godinave në Qytetin Studenti.
Godinat gjoja të rikonstruktuara vetëm 3 vite më parë kanë filluar të bien, ishim në godinat 9-10 dhe 11-12 ku muret kanë filluar të bien dhe në godinën 11-12 muret janë bërë me bukë peshku ku duket qartë se është bërë një vjedhje galopante në rikonstruksionin e këtyre godinave.
Shumë shpejt do të bëjmë kallëzimin me fakte dhe prova për këtë skandal.” – ka denoncuar aktivisti Aurel Kujtimi në platformën Studentët Denoncojnë.
Kliko për të shikuar denoncimin
Aktivisti në 5 Prill ka depozituar pranë Bashkisë Tiranë dhe Rezidencës Studentore Universitare nr.1 kërkesën për vënien në dispozicion të dokumentacioneve për tenderat e zhvilluara për rikonstruksionin e godinave në Qytetin Studenti.
