Në vitin 2023 qeveria përmes Ministrisë së Arsimit njoftoi se studentët që do të zgjidhnin degët prioritare do të përfitonin një bursë mujore sa paga minimale. Në vendimin e këshillit të ministrave nuk përmendej pjesa e mesatares së studentëve duke lënë të kuptohet se të gjithë studentët e përfitonin bursën mujore në varësi të degës së zgjedhur nga ata. Ajo e cila vërehet re është shtimi i degëve prioritare nga 234 në 346 por sipas qeverisë vetëm 80 degë do të merrnin bursën mujore.
Kanë kaluar shumë muaj dhe ky rezultoi vetëm një mashtrim nga ana e qeverisë dhe ka shumë studentë që denoncojnë këtë mashtrim nga ana e qeverisë që nuk i ka kaluar pagesat. Në faqen “Studentët Denoncojnë” prej muajsh kanë mbërritur denoncimet e studentëve për këtë mashtrim të qeverisë.
Së fundmi një studente e Fakultetit të Mjekësisë Dentare ka denoncuar se bursat mujore nuk kanë kaluar ende.
“Përshëndetje, si jeni? Dëshiroja të ndaja diçka me ju. Jam studente në FMD. Jemi në muajin mars dhe nuk na kanë kaluar bursat. A është normale? A i kanë marrë universitetet e tjera?” – denoncon studentja në platformën “Studentët Denoncojnë”.
Qeveria në vend të mbështetjes të studentëve ka zgjedhur të bëjë propagandë dhe të mashtrojë duke i lënë rrugëve dhe pa asnjë mbështetje për të vazhduar studimet në vend. Në çdo vend anëtar të Bashkrimit Europian ku Shqipëria pretendon të hyjë, të rinjtë dhe studentët shihen si investim për të ardhmen e këtyre shteteve pasi realisht të rinjtë dhe studentët janë e ardhmja e Shqipërisë.
