Një nga skandalet më të mëdha të drejtoreshës së Rezidencës Studentore Universitare nr.1 Anila Shehu është edhe punësimi i familjarëve të eksponentëve të Partisë Socialiste në administratën e Drejtorisë së Konvikteve në Qytetin Studenti. Bëhet fjalë për Eden Majko që është vajza e deputetit të Partisë Socialiste Pandeli Majko ku është e punësuar si asistente personale në Drejtorinë e Konvikteve në Qytetin Studenti.
Sipas verifikimeve të bëra na ka rezultuar se ky punësim nga ana e Drejtoreshës Anila Shehu ka prapavijë politike ku pozicioni i kësaj të fundit në Partinë Socialiste të Tiranës është i lidhur ngushtë me rolin e deputetit Pandeli Majko si koordinator i PS në Degën 5. Ky i fundit në po të njëjtën periudhë kohore kur ishte Ministër i Shtetit për Diasporën ka punësuar si Këshilltar në ministri burrin e Drejtoreshës Anila Shehu, Kejdi Keli.
Duket që kufiri midis partisë dhe shtetit ka humbur kufirin e logjikës dhe skandali i punësimeve partiake të Drejtoreshës Anila Shehu për të tejfryrë administratën e Drejtorisë së Konvikteve në Qytetin Studenti vërteton se partia me shtetin janë bërë njësh.
