Një zhvillim i papritur i ditës së sotme ka ndodhur në Bashkinë Tiranë, agjentët e Byrosë Kombëtare të Hetimit kanë zbarkuar ditën e sotme në zyrat e Bashkisë Tiranë për ti komunikuar Kryetarit të Bashkisë së Tiranës masën e arrestit me burg.
Burime pranë SPAK konfirmojnë se prokurorët e posaçëm kanë kërkuar nga Gjykata e Posaçme Kundër Korrupsionit dhe Krimit të Organizuar (GJKKO) masën e sigurisë “arrest me burg” jo vetëm për Veliajn, por edhe për një tjetër zyrtar të lartë. Ndërkohë, pritet një njoftim zyrtar nga SPAK mbi akuzat dhe hapat e mëtejshëm të hetimit.
Mësohet gjithashtu se një tjetër masë është kërkuar nga Prokuroria e Posaçme. Bëhet fjalë për bashkëshorten e Veliajt, Ajola Xoxën për të cilën është kërkuar masa e sigurisë “arrest në shtëpi”.
Katër akuzat për të cilat kryebashkiaku Veliaj po hetohej nga Prokuroria e Posaçme.
Në një njoftim të bërë më herët SPAK njoftoi se Kryetari i Bashkisë së Tiranës dyshohet se ka konsumuar katër vepra penale që janë:
Korrupsion pasiv i funksionarëve të lartë shtetërore ose i të zgjedhurve vendorë;
Korrupsion aktiv i funksionarëve të lartë shtetërorë ose të zgjedhurve vendorë;
Pastrimi i produkteve të veprës penale ose veprimtarisë kriminale;
Refuzim për deklarim, mosdeklarim, fshehja ose deklarimi i rremë i pasurive, interesave privatë të –personave të zgjedhur dhe nëpunësve publikë, ose i çdo personi tjetër që ka detyrim ligjor për deklarim.
