Këtë javë ka filluar beteja ligjore në Gjykatën Penale të Rrethit Gjyqësor Tiranë për vjedhjen e fondeve dhe për shpërdorimin e detyrës nga zyrtarë të Bashkisë Tiranë këtu përfshihet edhe Erion Veliaj bashkë me Drejtoreshën e Rezidencës Studentore Universitare nr.1 Anila Shehu.
Aktivistët Aurel Kujtimi dhe Andrea Bregu u paraqitën në gjykatë këtë të enjte ku nga Prokurori i çështjes Bledar Valikaj është kërkuar pushimi i çështjes por Avokati Altin Goxhaj argumenton se nga ana e prokurorit nuk janë kryer detyrat për të marrë nën administrim të gjitha dokumentacionet. Prokurori Bledar Valikaj nuk u paraqit në seancë duke zgjedhur të ndjekë deklaratën për media të aktivistëve me avokatin jashtë gjykatës.
Bledar Valikaj është burri i deputetes së Partisë Socialiste dhe nënkryetares së parlamentit Ermonela Felaj që ka lidhje të hershme me Lëvizjen Mjaft që në ato kohë drejtohej nga Erion Veliaj.
Seanca e rradhës është caktuar në datë 25 Qershor në orën 12:00 ku aktivistët kanë deklaruar se do t’i shkojnë deri në fund kësaj çështjeje.
