Ditën e djeshme ndaj Kryetarit të Bashkisë Tiranë Erion Veliaj është komunikuar se është në proçedim penal për pasurinë e tij. Hetuesit e Byrosë Kombëtare të Hetimit i mësynë në shtëpinë ku i ka pritur bashkëshortja e Veliajt, Ajola Xoxa, kjo e fundit i shoqëroi edhe në bisnesin e saj “Harabel Contemporary” dhe i është sekuestruar telefoni, gjithashtu edhe vëllait të Veliajt, Arbër Veliajt i është sekuestruar telefoni.
Erion Veliaj zgjodhi të bëjë zhvillojë një vizitë dyditore në Hamburg të Gjermanisë duke mos qenë në Shqipëri. Gjatë kthimit darkën e djeshme një foto qarkulloi në internet ku shihet Veliaj në avion me xhup i fokusuar në telefon duke shkruar postimin në faqen e tij në Facebook ku çaktivizoi komentet duke zgjedhur të mos përballej me reagimin e qytetarëve të shumtë që reaguan për ngjarjet e ditës së djeshme.
Agjentët e BKH-së me mandate kontrolli, janë paraqitur ditën e djeshme në orët e para të mëngjesit në banesën e Veliajt, por fillimisht nuk janë lejuar nga familjarë të tij për të bërë kontrollin, pasi vetë Veliaj ndodhej jashtë vendit.
Pas kontrolleve në banesë, agjentët mësynë dhe në galerinë ‘Harabel’ që drejtohet nga Ajola Xoxa, bashkëshortja e Veliajt. Prokuroria e Posaçme ka deklaruar se është hapur procedura penale për hetimin pasuror të kryebashkiakut.
