Gjatë kohëve të fundit në Qytetin Studenti vërehet re kalimi i shpeshtë i shumë makinave dhe njerëzve që nuk janë banorë dhe as studentë të akomoduar pranë godinave të RSU nr.1. Ky shqetësim është ngritur nga aktivisti i kauzave studentore Aurel Kujtimi prej kohësh. Gjatë darkave vërehet re se shumë makina lëvizin në rrugët e Qytetit Studenti dhe persona anonimë jo rezidentë të Qytetit Studenti lëvizin me makina super luksoze ku për studentët kjo është një shqetësim i madh pasi zhurmat dhe lëvizjet e këtyre personave prishin mënyrën e jetesës të rezidentëve dhe të studentëve.
“Në Qyetin Studenti ka më shumë makina sesa studentë. Në Qytetin Studenti vitet e fundit vërehet re që ka gjithmonë e më pak studentë dhe më shumë makina. Situata në Qyetin Studenti është bërë shumë e bezdisur për studentët ku në çdo mbrëmje qarkullojnë mjete luksi por mbi të gjitha ngacmimet për studentet. Dhe pse rajoni i policisë ndodhet në Qytetin Studenti duket që nuk ju intereson aspak kjo situatë sepse deri më tani nuk kanë marrë masa për t’a bllokuar qarkullimin e mjeteve në këtë zonë. Qyteti Studenti duhet të jetë i studentëve dhe jo i makinave luksi ku qarkullojne çdo mbrëmje për të ngacmuar studentët!” – denoncon aktivisti Aurel Kujtimi.
Këta persona që lëvizin kanë tendencë për të ngacmuar studentet dhe femrat dhe ky pikërisht është shqetësimi i shumë studnetëve të akomoduar në godinat e Rezidencës Studentore Universitare nr.1. Nga Bashkia e Tiranës dhe RSU nr. 1 nuk është marrë asnjë masë për vendosjen e trarëve të sigurisë në hyrjet dhe daljet e Qytetit Studenti. Nga ana tjetër rajoni i policisë në Qytetin Studenti dhe institucionet e redit dhe sigurisë nuk kanë marrë asnjë masë për ndalimin e qarkullimit të automjetjeve dhe ndalimit të hyrjes së personave të panjohur.
Kjo është një situatë e rrezikshme në Qytetin Studenti ku institucionet presin të ndodhi diçka dhe më pas të ndërhyet për t’u dukur se u intereson siguria e studentëve dhe rezidentëve të Qytetit Studenti. Qyteti Studenti është i atyre që banojnë në Qytetin Studenti dhe jo i kaosit të makinave të shtrenjta të njerëzve anonimë. Qytetit Studenti duhet t’i kthehet dinjiteti dhe duhet të kthehet siç ka qenë i bllokuar me tra.
