Sot është dita ndërkombëtare e gruas. Ndërkombëtarisht por edhe historikisht kjo ditë njihet për promovimin e të drejtave të grave. Por ditën e sotme ka ndodhur një skandal në Qytetin Studenti, shoqatat PRO-LGBTQ dhe aktivistët e Lëvizjes Bashkë të Arlind Qorrit kanë shpalosur një propagandë kundër vlerave themelore të familjes tradicionale.
Sot shoqatat PRO-LGBTQ bashkë me aktivistët e Lëvizjes Bashkë kanë qenë në Qytetin Studenti në një tubim ku dallohet qartë një flamur i lëvizjes LGBTQ.
Kjo është një përpjekje e qëllimtë për të njollosur Qytetin Studenti ku në godinat e Qytetit Studenti janë të akomoduara vajza por edhe banorët me fëmijët e tyre janë shqetësuar nga kjo shfaqje e turpshme dhe perverse.
Aktivistët e studentëve dhe të kauzave studentore Aurel Kujtimi dhe Andrea Bregu në një reagim të tyre në rrjetet sociale kanë dënuar këtë shfaqje të turpshme dhe kanë bërë thirrje që grupe të tjera të reagojnë duke dënuar këtë perversitet në shërbim të Axhendave LGBTQ kundër vlerave themelore të familjes tradicionale.
