Kryetari i Aleancës Konservatore Për Shqipërinë Avokati Altin Goxhaj është proçeduar në gjendje të lirë, në lidhje me një protestë të mbajtur ditën e djeshme para Kryeministrisë.
Policia në njoftimin për mediat ka bërë me dije se protesta u mbajt ndërsa për të nuk ishte marrë leje.
“U procedua në gjendje të lirë shtetasi A. G., 55 vjeç, pasi ditën e djeshme, në Bulevardin “Dëshmorët e Kombit”, përpara godinës së Kryeministrisë, në bashkëpunim me persona të tjerë, kanë zhvilluar një protestë, për të cilën nuk i ishte miratuar leja për zhvillimin e këtij tubimi.” – thuhet në njoftimin e shpërndarë për mediat.
Vetë Avokati Goxhaj ka bërë një reagim lidhur me këtë rast, ku shprehet se Policia e ka proceduar me një Nen që është shfuqizuar nga Kodi Penal nga vendimi i Gjykatës Kushtetuese në 4 Maj të vitit 2021.
Goxhaj sqaron se Drejtoria e Policisë u njoftua për tubimin e mbajtur, por nga ana e tyre nuk është pranuar njoftimi i protestës.
Postimi i plotë i Kryetarit të Aleancës Konservatore Për Shqipërinë, Avokatit Altin Goxhaj
“1 VIT APO 2 VJET BURG PËR AV ALTIN GOXHAJ PËR PROTESTËN ANTISOROS? AVOKATI GOXHAJ PËRFUNDON NË POLICI ME NENIN QË KA RRËZUAR GJYKATA KUSHTETUESE!”
Njoftim nga Avokati Altin Goxhaj, Kryetar i Aleanca Konservatore Për Shqipërinë
“Kur Tiku i Soros dhe Qori i Soros duan protestë, sherrin e kanë me veten ndërsa Policia u bëhet urë! Kur kërkon Tini AntiSoros të bëjë protestë, sherrin e ka me policinë, prokurorinë, gjykatën, gjithë pushteti i Ramës!”
Policia më proçedoi penalisht për të 35-tën herë në këto 35 vjet por për herë të parë si Kryetar i Partisë Aleanca Konservatore Për Shqipërinë 100 ditë para Zgjedhjeve me një Nen që e ka fshirë nga Kodi Penal, Gjykata Kushtetuese në Maj 2021 dmth Neni i famshëm i rrëzuar i TUBIMIT TË PALIGJSHËM për Protestën e djeshme kundër Axhendës Soros të Shpopullimit dhe shpërbërjes së Shqipërisë që mund të konsiderohet edhe protesta sovraniste kundër shpikjes së Shtetit Bektashi, ardhjes së afrikanëve, çentralit atomik dhe shpikjes së minoriteteve dhe kombësive me zgjedhje! Ky është inçidenti i parë elektoral ku proçedohet Kryetari i një partie politike me një Nen që nuk ekziston (tubimet e paligjshme) 100 ditë para Zgjedhjeve sepse Zogjtë e Qyqes Soros kanë frikë veç Partinë AntiSoros! Ne do të njoftojmë të gjithë ndërkombëtarët jo për tu qarë por për tu fshikulluar surratit çfarë ata i kanë bërë Shqipërisë me Reformën Soros në Drejtësi për llogari të Familjes Soros!
Sqarim: Dje kemi njoftuar Drejtorinë e Policisë sipas ligjit për tubimet dhe ata na thanë se nuk pranohet njoftimi ynë dhe do proçedohemi penalisht! Siç e patë ne i pyetëm protestuesit nëse do rrimë apo do ikim, dhe ata vendosën ta injorojmë vendimin e palkigjshëm të policisë. Protesta u mbajt me korrektesë dhe nga ne dhe nga policia, pas 2 orësh, në 11:00 të natës u paraqita në Rajonin nr 1 të Policisë së Shtetit ku mu komunikua nisja e proçedimit penal për nenin që nuk ekziston 😃 Unë i deklarova Oficerit të Policisë Gjyqësore “Ne jemi gati të japim edhe jetën për të mbrojtur Sovranitetin Kombëtar dhe le më të refuzojmë një urdhër të paligjshëm grotesk të Qeverisë së Soros që kërkon të zhbëjë Shqipërinë”
P.s. Neni 262 i Kodit Penal me të cilin më proçeduan për zhvillim pa leje është rrëzuar nga Gjykata Kushtetuese në 4 Maj 2021
Neni 262 “Organizimi dhe pjesëmarrja në grumbullime e manifestime të paligjshme”
“Organizimi i grumbullimeve dhe i manifestimeve të personave në sheshe dhe vende të kalimit publik, pa marrë më parë lejen nga organi kompetent sipas dispozitave të veçanta apo kur nga organizatorët shkelen kushtet e parashtruara në kërkesën për dhënie të lejes, përbën kundërvajtje penale dhe dënohet me gjobë ose me burgim gjer në një vit. Pjesëmarrja në një grumbullim apo manifestim të paligjshëm edhe pas paralajmërimit të bërë për shpërndarje, përbën kundërvajtje penale dhe dënohet me gjobë ose me burgim gjer në tre muaj. Po kjo vepër, e kryer më shumë se një herë ose kur ka sjellë pasoja të rënda, përbën kundërvajtje penale dhe dënohet me gjobë ose me burgim gjer në dy vjet. “
