Në ditën e sotme është thirrur një protestë për në datën 19 Dhjetor në orën 12:00 marshim nga Qyteti Studenti për tek Ministria e Arsimit. Protesta ka të bëjë me premtimet e pa mbajtura të Kryeministrit Edi Rama dhe Kryetarit të Bashkisë së Tiranës Erion Veliaj në lidhje me “Paktin për Universitetin” që lindi pas protestave të studentëve në Dhjetor të 2018.
Prej vitesh studentët kanë kërkuar zbatimin e premtimeve të dhëna që në vitin 2018 por ka ndodhur e kundërta dhe tashmë “Pakti për Universitetin” është kthyer në një aferë korruptive në kurriz të stuentëve ku qokat e Edi Ramës dhe Erion Veliajt tek ndërkombëtarë si Federica Mogherini për ti dhënë pronën publike Kolegjit Europian në truallin që do të ndërtohej Kampusi i Universiteteve në Qytetin Studenti ku akomodohen me mijëra studentë.
Universiteti i Tiranës ka paraqitur padi në Gjykatën Administrative të shkallës së parë Tiranë, e cila nuk është pranuar dhe momentalisht çështja ndodhet në gjykim në Apelin administrativ, sipas ankimit të bërë nga drejtoria juridike e Universitetit të Tiranës.
Për këto arsye është thirrur protestë ditën e enjte në 12:00, marshim nga Qyteti Studenti tek Ministria e Arsimit.
