Qeveria ka prezantuar projektligjin e ri sa i përket punës së detyruar të studentëve të mjekësisë pas diplomimit për pesë vite. Pas shfuqizimit të pjesshëm të ligjit nga Gjykata Kushtetuese qeveria ka vendosur që të ulë afatin e punës me detyrim për studentët e mjksisë duke e çuar nga pesë vite në tre vite.
Studentët e mjeksisë pasi të përfundojnë studimet nuk do të mund ta marrin diplomën e tyre për tre vite. Kjo vlen edhe për studentët e vitit të dytë e deri në atë të katërt, nga tre vite që parashikonte ligji më parë propozohet të jetë në dy vite, dhe për studentët e vitit të pestë e të gjashtë, që ligji parashikonte dy vjet punësim të detyruar brenda Shqipërisë duke e ulur me një vit.
“Në pikën 1, shkronja “b” fjalët “5 (pesë) vjet” të zëvendësohen me fjalët “3 (tre) vjet”. Në pikën 1, shkronja “c”, me fjalët “5-vjeçar” të zëvendësohen me fjalët “3-vjeçar”.” – shkruhet në propozimin e ri të qeverisë.
Pavarësisht protestave disa mujore të studentëve të Universitetit të Mjekësisë, qeveria pas shfuqizimit të pjesshëm të Gjykatës Kushtetuese vendosi të rikthejë propozimin për punësimin e detyruar të mjekëve të rinj që do të dalin që nga ky vit akademik.
