Sipas shifrave të publikuara nga organizata të pavarura tregohet se gjatë këtyre viteve janë detyruar për t’u larguar nga vendi mbi një milionë Shqiptarë ku një pjesë e madhe e tyre janë të rinj nën moshën 30 vjeçare. Instituti i Statistikave ka mbaruar censusin në muajin Tetor dhe ende nuk ka publikuar të dhënat për shifrën e popullsisë së ndodhur në vend.
Një publikim i revistës Monitor tregon shifrat e Institutit të Statistikave ku tregues është punësimi sezonal i të rinjve ku vërehet re se punësimi për grup moshën 15 deri në 29 vjeç erdhi në rënie me -7.7%. Rënia e punësimit në moshat e reja u shoqërua me një rritje jo të zakonte të punësimit të pensionistëve të grup moshës mbi 64 vjeç. Sipas Institutit të Statistikave punësimi në këtë grup kishte një zgjerim vjetor me gati 50% në tremujorin e fundit të vitit 2023. Ku rreth 82 mijë persona mbi 64 vjeç ishin në punë në periudhën kohore nga muaji tetor deri në muajin dhjetor të 2023 nga 54,5 mijë që ishin në të njëjtën periudhë të vitit 2022. Të dhënat tregojnë se ishin punësuar mbi 27 mijë pensionistë më shumë se në 3 mujorin e fundit të vitit 2022.
Në një kohë që popullsia e vendit po tkurret nga detyrimi i të rinjve për t’u larguar nga vendi dhe rënia e lindjeve ka bërë që tregu i punës të shfaqë një kërkesë të fortë për punësimin e të rinjve.
