Një denoncim ka ardhur ditën e sotme pranë redaksisë së portalit ‘Studentët Denoncojnë’ në lidhje me ankesat që kanë studentët për çështjen e pagesës për akomodimin e tyre pranë godinave të ‘Rezidencës Studentore Universitare nr.1’ në Qytetin Studenti. Për studentët është e papërballueshme kostoja e plotë në formë parapagimi që RSU nr.1 u kërkon studentëve për dhjetë muajt nga muaji Tetor deri në muajin Korrik.
Denoncimi i plotë:
Përshëndetje! Doja të bëja e unë ankesë në lidhje me pagesat e konvikteve. Jo vetëm 6 muaj, por kërkojnë pagesë të plotë 10 muaj, Tetor-Korrik. Më fal, a kanë qenë vetë studentë këta apo bëjnë sikur s’kuptojnë? Ku ti gjej një studente aq lekë, të mendoj për tarifën e konviktit, të shkollës, për të ngrënë e lëre më për t’u veshur. Është shumë e padrejtë. Shikoni si e trajtojnë studentin dhe pastaj dalin në media duke thënë po ikën rinia.
Hedhin madje njoftimin postim ne fb duke komentuar veten respekte, i bëjnë lëvdata vetes me komente për opinionin publik. Uroj të zgjidhet kjo!!!
