Ditën e sotme është publikuar një video ku shihet qartë Deputeti i Partisë Demokratike Arian Ndoja në tryezë me vëllain e kryeministrit Edi Rama, Olsi Rama dhe me anëtarë të bandës së Troplinëve. Sipas informacioneve të publikuara ditën e sotme Arian Ndoja ka qenë i ftuar në një darkë me Olsi Ramën në shtëpinë e Xhevdet Troplinit ku prezentë kanë qenë anëtarë të tjerë të bandës së Troplinëve dhe njerëz të afërm të deputetit dhe ish-prokurorit Arian Ndoja.
Ndërkohë që Partia Demokratike dhe kryetari i saj Sali Berisha përmendin pothuajse çdo ditë bandën e Troplinëve si bashkëpunëtorë në krimin zgjedhor në zgjedhjet e 11 Majit, nga ana tjetër Arian Ndoja, mik i ngushtë i djalit të Sali Berishës, Shkëlzen Berisha del në këtë darkë i ftuar nga Troplinët dhe vëllai i kryeministrit Edi Rama, Olsi Rama.
Gjatë proçesit të zgjedhjeve të 11 Majit pati kontenstime të shumta për qarkun e Durrësit ku edhe Arian Ndoja ishte kandidat por Partia Demokratike nuk kërkoi hapjen e të gjitha kutive për proçesin e rinumërimit të zhvilluar në datën 4 Korrik në Pallatin e Sportit ‘Farie Hoti’ duke u parë qartë një bashkëpunim PD-PS për të avantazhuar kandidatin Arian Ndoja.
