Një treg i rrobave të përdorura në Shkodër është përfshirë nga një zjarr masiv, pak minuta më herët. Flakët në lagjen Qafë-Hardhi janë përhapur me shpejtësi, ndërsa shtëllungat e tymit kanë pushtuar zonën.
Ende nuk raportohet për persona të plagosur. Forca të shumte policie dhe zjarrfikësje ndodhen në vendngjarje. Raportohet se banesat përreth rrezikohen nga zjarri i përhapur me shpejtësi edhe nga era, ndërsa po evakuohen banorët pranë.
Raportohet se në minutat e fundit zjarri ka shkrumbuar 25 njësi tregtare dhe dy banesa.
NJOFTIMI I POLICISË:
Shkodër – Informacion paraprak:
Rreth orës 18:55, në lagjen “Ndoc Mazi”, në një treg me rroba të përdorura ka rënë zjarr.
Zjarrfikësit së bashku me policinë menjëherë kanë shkuar në vendngjarje. Shërbimet e Policisë po bëjnë evakuimin e banorëve nga banesat që rrezikohen nga zjarri.
Zjarrfikësit po punojnë intensivisht për shuarjen e zjarrit Grupi hetimor nën drejtimin e Prokurorisë po punon për zbardhjen e shkakut të rënies së zjarrit.
