Pas më shumë se 8 muaj hetime intensive, të cilat vazhdojnë, në datën 9 Shkurt 2025 më në fund SPAK me firmën e drejtuesit të tij Altin Dumani dhe prokurorit Olsi Dado, nëpërmjet një dosje paraprake prej plot 366 faqesh, bindi Gjykatën e Posaçme, (GJKKO), të firmos arrestin me burg për kryebashkiakun e Tiranës Erion Veliaj, arrest në kushtet e shtëpisë për bashkëshorten e tij, Ajola Xoxa, si dhe të japë masa të tjera për 5 biznesmenë të njohur. Masat janë firmosur nga gjyqtari Erion Bano.
Gjithashtu SPAK vijon hetimet për deputeten e PS dhe Kryetaren e Komisionit të Ligjeve, Klotilda Bushka, për veprën penale “veprime që pengojnë zbulimin e të vërtetës”.
Dosja e dorëzuar në GJKKO, e cila përbën vetëm majën e ajsbergut për hetimet ndaj Veliajt, të cilat kanë filluar me hetim pasuror dhe po vijojnë për një skemë gjigante përfitimesh nëpërmjet fuqisë së tij për të dhënë leje ndërtimi, tendera dhe punë publike, disponohet, edhe nga vetë kryebashkiaku dhe mbrojtësit e tij ligjorë.
Ditën e sotme është publikuar dosja e plotë me 366 faqe me arsyetimet e SPAK-ut për të bindur gjykatën për masat dhe ka vendosur ta publikojë të plotë pasi politikanë, medie dhe gazetarë të shumtë po përpiqen që të relativizojnë gjithë këtë ndërmarrje korruptive.
Gjatë 3 mandatave të Veliajt, Tirana u kthye në në lavatriçen e pastrimit të miliarda eurove nëpërmjet betonizimit të saj dhe jo vetëm. Nuk janë pastruar vetëm paratë e korrupsionit 34 vjeçarë në Shqipëri, por edhe ato të krimit të organizuar.
Lexoni më poshtë dosjen “Veliaj” për arrestimin e tij dhe masat e tjera:
Akt-akuzën e plotë mund ta gjeni duke klikuar këtu
