Këtë muaj kryeministri Edi Rama me një urdhër në shkelje të ligjit dhe Kushtetutës për ndarjen e pushteteve, është bërë shkarkimi i Renato Pashollari si drejtor i ‘Rezidencës Studentore Universitare nr.1’ dhe emërimi i Olsi Shahini si drejtor i ri i RSU nr.1. Menjëherë edhe pas regjistrimit të këtyre vendimeve arbitrare në Qendrën Kombëtare të Bisnesit drejtori i ri Olsi Shahini nuk ka pritur gjatë për të rikthyer gjurmët e ish-drejtoreshës Anila Shehu madje duke qenë edhe më përpara se ish-drejtoresha Shehu.
Në postimin e përpara 5 ditëve në faqen në Facebook të RSU nr.1 vërehet re se ka një marketing nga ana e këtij institucioni shtetëror për bisneset private në Qytetin Studenti.
Sipas RSU nr.1, Qyteti Studenti ka një “Komisariat Policie”, kjo është e pavërtetë pasi ka vite që Komisariati i Policisë në Qytetin Studenti nuk është më dhe ndërtesa ku ka qenë Komisariati i Policisë në Qytetin Studenti përdoret si një vend stacionimi i policëve dhe ruajtja e rendit dhe sigurisë në Qytetin Studenti është marrë nën kontroll nga Komisariati nr.1, sipas RSU nr.1 në Qytetin Studenti është nën funksion Posta Shqiptare, edhe ky pretendim nga ana e RSU nr.1 është i pavërtetë pasi zyra filiale e Postës Shqiptare në Qytetin Studenti nuk ofron të gjitha shërbimet e dërgesave apo edhe shërbime të tjera.
Lavanteria në Qytetin Studenti është kthyer në monopolin e bisneseve private pa kushtet e duhura të shërbimit dhe me çmime të pajustifikueshme në raport me marrjen e shërbimit. Farmacitë po ashtu që në Qytetin Studenti ka disa të tilla ku asnjëra prej tyre nuk funksionon 24 orë. Mensat gjithashtu, një monopol i privatëve ku edhe sipas objektit të shoqërisë aksionere RSU nr.1 ky institucion shtetëror nuk e ofron dot për shkak të mos pasjes së vullnetit nga ana e drejtuesve aktualë dhe paraardhës ku janë favorizuar me qëllim privatët me çmimet e pabërballueshme për studentët.
Të gjitha shërbimet që reklamohen nga RSU nr.1 përpara vitit të ri akademik janë në fakt një marketing që i bëhet bisneseve nga një institucion shtetëror nën varësinë e Bashkisë Tiranë që duhej ti ofronte vetë për studentët në kostot e përfshira që ky institucion i merr studentëve nga tarifat mujore.
