Partia Demokratike me degën e saj në Krujë në datën 19 Prill 2026 do të zhvillojë procesin zgjedhor për zgjedhjen e kryetarit të kreut të degës. Kandidaturat janë miratuar nga Kryesia e Partisë Demokratike sipas statutit ku edhe janë bërë të ditur kandidatët që kanë plotësuar kriteret.
Përballë Myftar Ismalajat është Aulon Kalaja që ka qenë kandidat i listës së hapur në Qarkun e Durrësit për Partinë Demokratike duke marrë zyrtarisht 8135 vota në zgjedhjet e fundit të 11 Majit të 2025 dhe duke shënuar një rezultat tepër të mirë, si pasojë duke marrë vota të elektoratit gri por edhe duke kthyer vota të majta jo vetëm në zonën ku ka kandiduar por edhe në të gjithë Qarkun e Durrësit.
Kalaja është gazetar dhe autor i emisionit ngA Kalaja, njëkohësisht edhe aktivist i kauzave kombëtare dhe patriotike prej më shumë se 13 vitesh tanimë ku ka qenë organizator i protestave kundër shitjes së detit tek Greqia, ka qenë një nga organizatorët kryesorë kundër sjelljes së armëve kimike në Shqipëri në vitin 2013, atyre kundër importit të mbetjeve në Shqipëri, protestave kundër projektit të Ballkanit të Hapur, si edhe iniciatori kryesor i lëvizjes Shqipëria kundër Shpopullimit gjatë viteve 2023-2024 ku kjo lëvizje qytetare kundërshtoi edhe marrëveshjen midis kryeministrit Edi Rama dhe kryeministres së Italisë Georgia Meloni.
Kjo rezyme e asaj që tregon atë që ka bërë Aulon Kalaja në mbi 13 vite kundër qeverisjes dhe pushtetit të kryeministrit Edi Rama. Kjo punë mund të sjellë edhe përmbysjen e pushtetit në zgjedhjet vendore të 2027 përballë Partisë Socialiste në Krujë.
