Shqetësimi i prindërve në Korçë për postera LGBT në shkollë nuk është thjesht një incident i izoluar, por sinjali i parë konkret i zbatimit praktik të ligjit të ri “Për Barazinë Gjinore”, i miratuar në muajin nëntor të vitit të kaluar. Ky ligj, i miratuar me 77 vota pro, zgjeroi kuadrin e mëparshëm për barazinë gjinore duke përfshirë në mbrojtje “identitetin gjinor” e “shprehjen gjinore” përtej binomit tradicional mashkull-femër. Megjithatë, pikërisht termat e tij të paqartë, si “përkatësi e shumëfishtë” e përsëritur 25 herë, ngrenë pyetjen se sa është gati institucionet t’i zbatojnë ato në mjedise të ndjeshme si shkollat fillore. Rëndësi ka se ajo që po shohim në “Mësonjëtorja e Parë Shqipe” duket të jetë thjesht fillimi i zbatimit të një axhende që opozita dhe qytetarët e konsiderojnë të papërshtatshme për shoqërinë shqiptare.
Ky incident në Korçë duket si provë e qartë se parashikimet e tyre për ligjin “Për Barazinë Gjinore” po realizohen, duke filluar pikërisht nga edukimi i fëmijëve. Ata theksojnë se jo vetëm që Bashkimi Europian nuk e kërkon një ligj të tillë, duke përmendur faktin se 21 shtete anëtare nuk e kanë atë, por se ai synon transformimin e shoqërisë përmes një kulture “Woke” ideologjike. Kritika e tyre është se ligji, duke lënë hapësirë për “gjini të shumëfishta”, shkel vlerat themelore të familjes dhe krijon një preçedent të rrezikshëm për të ardhmen. Sipas kësaj optike, vendosja e posterave LGBT nëpër shkolla nuk është një lëvizje spontane, por pjesë e një strategjie të qëllimshme për të futur këto koncepte në mënyrë të pandalshme në sistemin arsimor, duke përfshirë edhe tekstet shkollore.
Denoncimi:
“Përshëndetje, kanë vendosur poster për mbështetje të komunitetit LGBT në shkollën 9-vjeçare ‘Mësonjëtorja e Parë Shqipe’. Duhet të ngrihemi të gjithë prindërit ta heqim dhe të reagojmë, pasi në shtator pritet ta fusin edhe në tekste shkollore.” – shprehet një prind në denoncimin e tij.
