Në kuadër të hetimeve për tenderat e AKSHI-t, ish-drejtoresha Mirlinda Karçanaj është paraqitur të martën në SPAK, pasi gjykata i’a zëvendësoi masën e “arrestit shtëpiak” në masën “detyrim paraqitjeje”. Ajo dyshohet se është bashkëpunëtore me grupin e Ergys Agasit, i cili akuzohet se paracaktonte fituesit e tenderave dhe hiqte konkurrencën nëpërmjet kërcënimeve. Në ambientet e SPAK-ut, Karçanaj qëndroi për rreth 30 minuta edhe duke i’u përgjigjur pyetjeve të hetuesve, por në dalje refuzoi të komunikojë me gazetarët. Kjo aferë përfshin abuzime me tendera me vlerë milionëshe në fushën e teknologjisë së informacionit dhe është një skandal i gjërë politik me përmasa të mëdha duke ngritur dyshime edhe mbi kryeministrin Edi Rama.
Hetimet kanë zbuluar se Karçanaj dhe bashkëshorti i saj zotërojnë të paktën pesë apartamente dhe prona të tjera, pjesa më e madhe e fituara pas marrjes së detyrës në AKSHI. Rivlerësimet e shpejta të këtyre pasurive, vlerat e të cilave janë rritur disa herë brenda pak vitesh, kanë ngjallur dyshime për pastrim parash dhe mos-deklarim të të ardhurave. Gjithashtu, rezulton se një pjesë e pasurive janë regjistruar në emër të vëllait të saj, ndërkohë që ara dhe ullishte të tjera janë blerë me para të gatshme. Në total, hetuesit kanë sekuestruar prona dhe llogari bankare që lidhen me këtë grup kriminal, me vlerë mbi 40 milionë euro.
Pas daljes nga arresti shtëpiak, Karçanaj është e detyruar të paraqitet periodikisht në SPAK, ndërsa avokatja e saj ka penguar pyetjet e mediave duke deklaruar se e Karçanaj do të flasë kur të dëshirojë vetë, në dalje nga seanca e fundit, Karçanaj ka ndjekur të njëjtën linjë heshtjeje pa iu përgjigjur asnjë pyetjeje për lidhjet e saj me Ergys Agasin apo shumën e sekuestruar. Në opinionin publik ka nisur një debat i ashpër mbi rolin e saj dhe mbi mbrojtjen që i ka bërë Karçanajt, kryeministri Rama. Avokatja e Karçanajt ka bërë me dije se Karçanaj është e gatshme të bashkëpunojë me drejtësinë, por nuk ka pranuar të flasë për detajet e marrjes në pyetje.
SPAK-u duhet të verifikojë ende një sërë tenderash të dyshimta dhe lëvizjesh financiare, ndërsa Ergys Agasi, i cili dyshohet si organizatori i grupit, vazhdon të jetë në kërkim ndërkombëtar dhe dyshohet se ai është ende në Shqipëri. Ekspertët e cilësojnë këtë çështje si një test serioz për aftësinë e SPAK-ut për të goditur korrupsionin në nivele të larta.
