Një aksident rrugor është regjistruar në aksin Korçë–Bilisht, në afërsi të fshatit Kuç, ku fillimisht janë përplasur dy automjete dhe më pas është përfshirë edhe një i tretë. Sipas informacioneve, i lënduar ka mbetur njëri prej drejtuesve të mjeteve i cili u transportua në spital për ndihmë mjekësore dhe ndodhet jashtë rrezikut për jetën.
Nga aksidenti raportohen edhe dëme të shumta materiale. Policia ndodhet në vendngjarje për zbardhjen e rrethanave.
Vlen të theksohet se në aksin rrugor Korçë-Bilisht, në një pjesë të konsiderueshme të tij mungon sinjalistika dhe ndriçimi, ndërsa disa segmente cilësohen si “njolla të zeza” (kryqëzime), ku shpesh janë regjistruar edhe aksidente me pasoja të rënda për jetën.
