Studentë të akomoduar në godinat e Rezidencës Studentore Universtare nr.2 janë ankuar pranë platformës Studentët Denoncojnë duke denoncuar se bisneset e ndërtuara pranë godinave të RSU nr.2 krijojnë zhurma gjatë gjithë ditës dhe orëve të para të natës. Kjo gjë nuk lejon jetesën normale të studentëve të akomoduar në godinat ngjitur duke marrë parasysh edhe zhurmat e makinave në rrugë.
Bashkia e Tiranës dhe Kryetari Erion Veliaj nuk kanë marrë masat për ruajtur distancën midis godinave dhe bisnesit në fjalë duke marrë parasysh se Rezidenca Studentore Universitare nr.2 është nën varësinë e Bashkisë Tiranë dhe Erion Veliaj.
“Përshëndetje Studentet Denoncojnë
Jam një studente që studioj në qytetin e Tiranës dhe momentalisht banoj tek Rezidenca Studentore NR 2, konviktet e mjekësisë. Po ju shkuruaj lidhur me një problematikë shumë shqetëstuese për ne që jetojmë në konvikt. Për gati me shumë se një vit në pjesën e përparme të konviktit është ndërtuar një lokal Bar-Kafe që quhet Pastel. Përveç zhurmave të ambulancave dhe makinave që dëgjohen shumë për shkak të izolimit jo të mirë të dritareve, tani kemi më shumë se 1 vit që çdo ditë durojmë edhe muzikën e lartë të lokalit nga ora 7 e mëngjesit deri në orën 11 të darkës kur mbyllet i gjithi. Është kthyer në një problematikë mjaft shqetësuese për ne sepse është e pamundur të mësosh apo qoftë edhe të pushosh në dhomë nga zhurma e fortë që është krijuar. Po ju shkruaj sepse kërkoj një mendim nga ju si të veprojmë. Lokali është shumë afër me godinën dhe po të ishim jashtë shtetit nuk do lejohej si gjë.”
