Aktivistët e studentëve Aurel Kujtimi dhe Andrea Bregu dorëzuan pranë SPAK kallëzimin penal kundër drejtoreshës së RSU nr.1 Anila Shehu dhe institucionit Rezidenca Studentore Universitare nr.1 për vjedhjen e fondeve dhe shpërdorimin me detyrën.
Kallëzimi është depozituar në datën 09.05.2023 dhe mban numrin e protokollit 336. Një ditë më vonë në datën 10.05.2023 kryeprokrurori i SPAK, Altin Dumani ka kthyer një përgjigje duke thënë se SPAK nuk e ka kompetencën për të shqyrtuar këtë çështje dhe kjo çështje i është dërguar për shqyrtim Prokurorisë së Rrethit Gjyqësor Tiranë.
Çështja është marrë nën dorëzim nga prokurori Bledar Valikaj i cili është burri i deputetes së Partisë Socialiste dhe nënkryetares së Parlamentit Ermonela Felaj Valikaj. Ky është një ndikim i hapur politik nga Partia Socialiste mbi drejtësinë ku çështja kundër drejtores së Erion Veliajt është marrë nën dorëzim nga burri i një prej eksponentëve kryesorë të Partisë Socialiste në mënyrë që të ndikohet politikisht për ta zvarritur si çështje.
Kanë kaluar mbi 9 muaj që se çështja është marrë nën dorëzim nga prokrurori Bledar Valikaj dhe ende kjo çështje nuk është çuar në gjykim nga prokurori.
Duket që parimi i drejtësisë së re është “Drejtësia e vonuar është drejtësi në shërbim të partisë-shtet” dhe prej muajsh prokurori Bledar Valikaj po zvarrit çështjen kundër Anila Shehut dhe Rezistencës Studentore Universitare nr.1.
Në një reagim publik nga aktivistët ata janë shprehur të vendosur për ti shkuar kësaj çështje deri në fund deri në nxjerrjen e përgjegjësve për vjedhjen e fondeve dhe shpërdorimin e detyrës nga personat në fjalë.
