Erion Veliaj ditën e sotme ka bërë ndryshime në drejtimin e sektorëve dhe të institucioneve nën varësi të Bashkisë Tiranë për shkak të hetimeve që po zhvillohen së fundmi ku korrupsioni dhe vjedhja e fondeve publike ka plasur gjithandej në Bashkinë Tiranë.
Drejtoria e Ujësjellës-Kanalizimeve Tiranë do të drejtohet nga Elda Muçi, ndërsa Policia Bashkiake nga Toni Beni.
Në krye të Ndërmarrjes së Rrugëve dhe Ndriçimit është emëruar Piro Sinjari, kurse drejtimin e Agjencisë së Mbrojtjes së Konsumatorit e ka marrë Blerta Dardha. Tirana Parking do të drejtohet nga Flavio Barçi, ndërsa Kopshti Zoologjik nga Ervis Rrahmani.
Gjithashtu, janë ndryshuar edhe drejtorët e dy qendrave sociale, që nga sot drejtohen nga Aldo Aga dhe Gentjana Lasku.
Në drejtimin e Shtëpisë Studio “Kadare-Agolli” është emëruar Anisa Ymeri, kurse drejtor i Rezidencës Studentore në Qytetin Studenti do të jetë Renato Pashollari.
Anila Shehu e zëvendësuar nga Renato Pashollari është nën hetim për shkak të kallëzimeve të depozituara nga aktivistët Aurel Kujtimi dhe Andrea Bregu për vjedhjen e fondeve, falsifikimet dhe korrupsionin në Qytetin Studenti.
Erion Veliaj duket që ka hequr përgjegjësinë nga vetja dhe ja ka lënë barrën drejtorëve të tij ku një nga ta është edhe Anila Shehu.
