Ditën e sotme në Gjykatën Penale të Rrethit Gjyqësor Tiranë është zhvilluar seanca e rradhës për vjedhjen e fondeve dhe shpërdorimit të detyrës nga ish-drejtoresha e Rezidencës Studentore Universitare nr.1 Anila Shehu dhe Kryetari i Bashkisë Tiranë Erion Veliaj. Gjyqtarja Vjollca Spahiu ka vendosur rihapjen e hetimeve duke ja ridërguar çështjen për hetime të mëtejshme prokurorit Bledar Valikaj burrit të ish-nënkryetares së Parlamentit, njëkohësisht edhe deputetes së Partisë Socialiste Ermonela Felaj.
Pas një beteje disa mujore të aktivistëve Aurel Kujtimi dhe Andrea Bregu bashkë me përfaqësuesin ligjor Avokatin Altin Goxhaj çështja i është dërguar për rihetim dhe vazhdimin e hetimeve të mëtejshme prokurorit Bledar Valikaj.
Në muajin Maj të 2023 aktivistët depozituan pranë Prokurorisë së Posatçme kundër Korrupsionit dhe Krimit të Organizuar një kallëzim penal për ish-drejtoreshën e RSU nr.1 Anila Shehu dhe Kryetarit të Bashkisë së Tiranës Erion Veliaj për vjedhjen e fondeve publike dhe shpërdorimin e detyrës në lidhje me rikonstruksionin e godinës numër 6 në Qytetin Studenti. Çështja u dërgua për mungesë kompetence në Prokurorinë e Tiranës me prokurorin Bledar Valikaj ku ky i fundit në shkelje të ligjit pa njoftuar kallëzuesit dhe pa kryer detyrat e përcaktuara nga vetë ai kërkoi pushimin e çështjes.
Prej muajsh aktivistët denoncuan lidhjet politike të prokurorit Bledar Valikaj me Partinë Socialiste duke bërë thirrje që hetimet të vijonin dhe të kryheshin detyrat e përcaktuara në çështje për të nxjerrë përpara përgjegjësisë penale për shkeljen e ligjit ish-drejtoreshën e RSU nr.1 Anila Shehu dhe Kryetarin e Bashkisë Tiranë Erion Veliaj.
