Këtë të hënë kryeministri i Izraelit Benjamin Netanyahu ka konfirmuar se vendimi është marrë për një pushtim të plotë të Rripit të Gazës duke përfshirë edhe territoret që nuk janë prekur nga ushtria e Izraelit më parë.
Njoftimi është bërë përmes llogarisë së Benjamin Netanyahu në rrjetin social ‘X’.
Që prej datës 7 Tetor të 2023 sipas raportimeve zyrtare janë mbi 60 mijë Palestinezë të vrarë nga forcat ushtarake të Izraelit dhe mbi 145 mijë të tjerë të plagosur në nevojë për t’u mjekuar për shkak të bombardimeve ku janë rrafshuar zona të tëra.
Kryeministri i Izraelit Benjamin Netanyahu është përballur shpesh me kritika për shkak të urdhërave të dhënë për mos-lejimin e ushqimeve për Palestinezët në Rripin e Gazës dhe pretendimeve për gjenocid në masë ndaj popullsisë Palestineze.
Benjamin Netanyahu është akuzuar gjithashtu nga Gjykata për Krimet ndaj Njerëzimit në Hagë dhe ndaj tij është lëshuar edhe një urdhër-arrest ndërkombëtar.
