Këtë javë u publikua drafti i Kodit të ri Penal dhe menjëherë ekspertë të fushës dhe aktorët politikë patën reagime të shumta kritikuese duke e quajtur si ‘kriminalizim të shoqërisë’.
Një nga nenet e propozuara për shkelje penale është edhe ‘Neni 424’ për moskryerjen e proçedurave për kontrollin teknik të mjeteve që sipas propozimit një qytetar që posedon një mjet dhe nuk ka kryer kolaudimin do të dënohet me gjobë deri në burgim.
Neni 424
Moskryerja e proçedurave për kontrollin teknik të mjeteve
Moskryerja e procedurave të kontrollit teknik të mjeteve motorike, apo kryerja e tyre në kundërshtim me legjislacionin në fuqi, nga personi i cili ka për detyrë ta kryejë atë, kur kanë krijuar apo përbëjnë rrezik për jetën dhe sigurinë e njerëzve gjatë qarkullimit rrugor ose, kur kanë sjellë ndotjen tej normave të lejuara të ajrit, ujërave apo tokës, përbën kundërvajtje penale dhe dënohet me gjobë ose me burgim deri në dy vjet.
