Një ngjarje e rëndë ka ndodhur sot në qytetin e Korçës ku një 59 vjeçar ka ndërruar jetë si pasojë e konsumit të sasive të mëdha të medikamenteve mjekësore. 59 vjeçari është gjetur në gjendje të rëndë shëndetësore nga familjarët në banesë. Policia për këtë ngjarje ka dhënë një njoftim paraprak.
Korçë – Informacion paraprak:
Pasditen e sotme, në lagjen Nr.2 Korçë, në banesë, shtetasi P. C. 59 vjeç, nga të dhënat e para dhe deklarimet e marra familjarëve të tij, dyshohet se ka konsumuar një sasi të konsiderueshme medikamentesh mjekësore.
Ky shtetas u transportua për mjekim në spital në gjendje të rëndë shëndetësore, ku më pas ka ndërruar jetë.
Grupi hetimor po punon për sqarimin e rrethanave të ngjarjes.
