Deputeti i Partisë Demokratike, Saimir Korreshi, ka denoncuar gjendjen katastrofike të infrastrukturës rrugore në Divjakë. Në një video të publikuar, ai shfaq rrugë të degraduara plotësisht, me gropa dhe pa asnjë lloj sinjalistike rrugore. Me ironi, Korreshi ngre pyetjen nëse kjo është rruga që Shqipëria po ndjek për t’u bërë pjesë e standardeve europiane. Ai thekson se kanalet e zonës janë të mbushura me ferra dhe të pambajtura, duke e cilësuar këtë situatë të papranueshme për çdo qytetar.
Duke iu drejtuar qeverisë, deputeti përmend disa emra, duke nisur nga zëvendëskryeministrja Belinda Balluku dhe ministri i Financave, të cilët sipas tij kanë vizituar zonën por nuk kanë marrë masa. Korreshi vë në dukje se edhe figura të tjera politike, si ish-i deleguari Lamallari dhe Nufi, kanë qenë përgjegjës për Divjakën pa ndërhyrë për të përmirësuar gjendjen. Ai kritikon mungesën e koordinimit mes institucioneve, duke e cilësuar infrastrukturën e rrënuar si dëshmi të një administrimi të dobët. Sipas tij, kjo situatë dëmton jetën e përditshme të banorëve të këtyre fshatrave.
Korreshi thekson se degradimi i rrugëve në Divjakë është i dukshëm dhe se mungon çdo lloj sinjalistike rrugore, duke e bërë lëvizjen të rrezikshme. Në përfundim, Korreshi kërkon llogari nga qeveria, duke pyetur nëse këto kushte janë ato që premtohen për një Shqipëri europiane. Denoncimi i tij vjen si një thirrje për ndërhyrje të menjëhershme për të garantuar kushte normale për qytetarët.
Denoncimi i plotë i Saimir Korreshit:
“Ne vazhdojmë të themi që a hyhet në Uropë kështu? Merrini të gjithë, me ministra kanë qenë këtu. Fillon nga Balluku, numri dy, de facto dhe numri një, binome me shokun Rama. Po fillo nga Peço Jabanxhiu që është ministër i Financave.
Karakaço ka qenë po në Lushnje me një zonë andej. Po këtu ka qenë llam llam llam llam llam Lamallari, ka qenë po këtu i deleguar te kjo zona e Divjakës, dhe u hoq Lamallari. Shiko këtu o ministri i punëve të Përmbrendshme.
I punëve të Përmbrendshme, sepse ti merresh dhe me aksidente, me parkime dysh. Po merru dhe me rrugët se shiko si është, ka, nuk ka asnjë lloj sinjalistike dhe shikohet degradimi i rrugëve. Uo, Llamo! Urdhëro!
O vëlla, shiko si ke këtu ë? Rruga dhe shiko si e ke situatën deri këtu. Le kanalet, kanalet i ka mbyt ferra, nuk e di çfarë është ferrë, kanal apo çfarë është, s’diskutohet fare, një kjo. Urdhëro se ke degradim të gjithë rrugës, shiko. E shikon, o Qivirria, o Nufi se ka qenë dhe Nufi Çufi këtu, këtu ka qenë vetë. I kemi Uropiane thotë ai aty.
A janë europiane këto apo jo? Edhe kanalet në si Europë i keni pastruar.”
