Mëngjesi i 29 Majit do të mbahet mend si një nga ditët kur në mes të ditës, në mes të Tiranës u dhunua barbarisht avokati dhe ish-dekani Sokol Mëngjesi. Sokol Mëngjesi atë dite po çonte fëmijën e tij në kopësht ku persona deri atë dite të paindetifikuar e goditën brutalisht me levë dhe dorezë hekuri në ish-bllok, në sy të fëmijës.
Avokati Sokol Mëngjesi ka dalë nga gjendja e komës ditën e sotme, gjendje në të cilën ndodhej prej ditësh pasi u dhunua barbarisht. Mëngjesi mësohet se ka reaguar mirë, ndërsa mjekët në spitalin ku ai ndodhet janë optimistë për përmirësimin e gjendjes së tij.
Avokati u transportua rreth një javë më parë nga spitali i Traumës me avion privat sanitar drejt një spitali në Athinë për mjekim të specializuar.
Mëngjesi morri goditje me mjete të forta, doreza hekuri, në kokë dhe trup, të cilat i shkaktuan atij hematoma të rënda.
