Unioni i Gazetarëve Shqiptarë ka reaguar pas padisë së biznesmenit Dionis Teqja ndaj tetë mediave dhe dy gazetarëve. Mediat e paditura janë “Hekla” shpk, “Zëri Media” shpk, “MCN 24” shpk, “Media Solution” shpk, “Dosja” shpk, “Vox News” shpk, “Newsbomb” shpk dhe “EM Media” shpk, së bashku me gazetarët Ariglon Pali dhe Arsen Rusta. Gjykata e Shkallës së Parë Tiranë i ka detyruar këto subjekte të paguajnë paditësin me një shumë të konsiderueshme financiare, deri në 500 mijë euro. Unioni e cilëson këtë rast si të rrallë dhe që meriton vëmendje të posaçme, duke theksuar se vendimi krijon precedent cënues për lirinë e shprehjes.
UGSH thekson se vendimi i trupës gjykuese për t’i detyruar mediat të fshijnë publikimet e pretenduara bie ndesh me sovranitetin e editorit dhe vendimmarrjen e tij për qarkullimin e përmbajtjes mediatike. Unioni kritikon faktin që trupa gjykuese nuk bën të ditur se mbi ç’ekspertizë mediatike bazohet kërkesa e saj. Gjithashtu, vendimmarrja në dhomë këshillimi pa praninë e palëve, kur të paditur janë gazetarë apo media, krijon një rast problematik edhe nga natyra juridike. Sipas Unionit, kjo praktikë hap një diskutim të rëndësishëm për të drejtat e gazetarëve në procese të tilla.
Penaliteti financiar i vendosur ndaj gazetarit Arsen Rusta dhe portalit “weblajm.com” konsiderohet nga UGSH si një shumë që shënon rekord në praktikat e dënimeve për këtë vepër. Po ashtu, edhe gazetari tjetër i paditur, Ariglon Pali, përballen me masa të konsiderueshme sipas vendimit gjyqësor të datës 24 prill 2026. Unioni i Gazetarëve Shqiptarë thekson se nuk po komenton penalitetet konkrete përpara një analize të plotë juridike.
UGSH i është drejtuar një zyre asistence juridike për t’ia nënshtruar tekstin e vendimit një reference të posaçme ligjore. Po ashtu, Unioni ka kontaktuar zyrat juridike të KE-së dhe BE-së, si dhe organizatat evropiane të gazetarëve, për të ofruar konsulencën e tyre për analizën dhe vlerësimin ligjor të vendimit. Këto struktura janë ftuar të ndihmojnë në respektimin e parimit të mosndërhyrjes dhe të ligjshmërisë së të drejtës së shprehjes. Qëllimi përfundimtar është mbrojtja e hapësirës mediale në Shqipëri nga precedentë që cënojnë lirinë e gazetarisë.
Reagimi i Unionit të Gazetarëve Shqiptarë
Vendimi i Gjykatës së Shkallës së Parë Tiranë, dhe penalizimi i disa mediave të reja dhe gazetarëve si dhe shuma financiare si ndëshkim, ndaj publikimeve të kryera, ku sipas Gjykatës cënohet paditësi, është një rast i rrallë dhe meriton vëmendje të posaçme
Tirane me 6 Maj 2026
Unioni i Gazetarëve Shqiptarë është vënë në dijeni sot nga disa dejtues të mediave online, se Gjykata e Shkallës së Parë e juridiksionit të përgjithshëm në Tiranë, me vendim “për sigurimin e padisë”, në datën 24.04.2026, ka marrë në shqyrtim në dhomë këshillimi, pa praninë e palëve, çështjen civile me Nr 12320 me paditës shtetasin Dionis Teqja dhe të paditur “Hekla” shpk person juridik, Zëri Media shpk, MCN 24 shpk,”Media Solution” shpk, “Dosja”shpk, Vox News” shpk,”Newsbomb” shpk, EM Media” shpk, si dhe gazetarët Ariglon Pali, Arsen Rusta., duke i detyruar subjektet të paguajnë paditësin me shumë të konsiderueshme. Ky është vendimi i parë i këtij lloji dhe që mbart penalizim financiar në shumë të konsiderueshme deri në 500.00 euro për shpifjet e publikuara.
UGSH, sapo ka marrë dijeni rreth këtij vendimi, sot i është drejtuar një zyre asistence juridike për t’ia nënshtruar tekstin e vendimit një reçence juridike. Reagimi ynë si organizata më e madhe e gazetarëve profesionistë në Shqipëri, do të jetë në ditët në vijim i mishëruar në një analizë juridike të vendimit dhe përmbajtjes së tij. Ndërkohë që konform kulturës sonë profesionale nuk po komentojmë penalitetet, por vendimi i trupës gjykuese për t’i detyruar krejt mediat për fshirjen e publikimeve të pretenduara, krijon precedent cënues ndaj shprehjes së lirë dhe bie ndesh me sovranitetin e editorit dhe vendimarrjes që gëzon ai për publikim dhe qarkullim kontenti mediatik.
Paraprakisht trupa gjykuese do të duhej të bënte të ditur se mbi ç’ekspertizë mediatike e bazon kërkesën e vet dhe në rastin kur të paditur janë gazetarë apo media, praktika e vendimarrjes në dhomë këshillimi pa praninë e palëve, krijon një rast që hap diskutim të rëndësishëm edhe si natyrë juridike. Masa e penalitetit financiar që jepet në vendim ndaj gazetarit A.Rusta dhe weblajm.com është një shumë që shënon rekord në praktikat e dënimeve për këtë vepër. UGSH u drejtohet zyrave juridike të KE dhe BE dhe organizatave europiane të gazetarëve që në këtë rast, të ofrojnë konsulencën e tyre për analizën dhe reçencën juridike ligjore të vlerësimit të vendimit, duke iu përmbajtur parimit të mosndërhyrjes dhe të respektimit të ligjshmërisë së të drejtës së shprehjes në hapësirën mediale të vendit.
Zyra informuese
Unioni i Gazetareve Shqiptare.
